الضيف الخامس : ضيفة لذيذة معانا !!! ياترى مين ؟؟؟؟

اليوم موعدنا مع ضيف جديد من ضيوفنا على الكرسى
ضيفتنا هذة المرة هى ضيفة هزت المنتدى بمواضيعها
توغلت الى قلوبنا بردودها
اثارت اهتمام الجميع
واستطاعت ان تحقق لها شعبية كبيرة وسط المنتدى فى وقت قصير

انها

الجميلة
الامورة
الشقية
الحبوبه

اكيد طبعا عرفتوها
هى

ندى ( Sweet girl)

ودلوقتى هنسلط الاضواء عليها ويفتح الحوار
ويبدا الهجوم
ونطالبها بالاجابة عن الاسئلة والدفاع وهى على الكرسى
وادى الكرسى بتاعك
اقعدى وجاوبى
الضيف الخامس : ضيفة لذيذة معانا !!! ياترى مين ؟؟؟؟ Get-4-2008-jf7p9gp5

الضيف الخامس : ضيفة لذيذة معانا !!! ياترى مين ؟؟؟؟ Get-4-2008-jf7p9gp5

وفى اول سؤال هقولها عرفينا بنفسك
ومن هى Sweet girl فى المنتدى
ومن هى ندى فى الحيـاة ؟؟؟؟

اما دلوقتى هسيبلكوا المايك علشان تطلقوا لنفسكوا العنان
وعايز اسئلة جامده واجابات اجمد
انطلقوااااااااااااااااااا
:pirat: :pirat:

اولا ميرسي ليك اوى اوى يا ميدو على المقدمة الجميلة دى

بس فى مشكلة

الكرسي ده شكله مش مريح كده مش هعرف اقعد عليه كويس 8) بس مش مشكلة هقف وخلاص بس متكتروش

فى الاسئلة عشان مش اقف كتير

اجاوب بقى يا ميدو على اسئلتك

عرفينا بنفسك :انا مش عارفة قصدك تعريف من ناحية ايه بس انا هقول كل حاجة

الواحد من الصعب انه يعرف نفسه بس هحاول
اولا تعريف بالبطاقة الشخصية:الاسم:ندى
السن:18
الوظيفة :طالبة بكلية التربية
االبرج:الحقيقى الاسد واللى مش حقيقى العذراء
البلد:مصر [طنطا]

لو فيه حاجة تانى قولى

الصفات:يعنى ممكن اقول عاطفية واقعية في وقت واحد وبتمسك بارائى وقراراتى اوى لدرجة ان الاعتراف بالغلط ده حاجة صعبة اوى عندى وبتمتع بمهارة خاصة في تمييز الصدق من الكذب - عنادى في الواقع لا يُجارى مع أنى بظهر كتيرطيبة إلى أبعد الحدود . وبرغم طيبتى دى لكن لو حد جرحنى بجد عمرى ما بقدر اسامحة ابدا.وده عشان بحب كل الناس وكل اللى بقابلهم .
وبس ده اللى اعرفه والله

sweet grlفى المنتدى : ببقى حسه انى فى بيتى ..... امممممم مش عارفة بس بحس انى غريبة جدا ببقى عاوزة انزل مواضيع كتير علشان الاقى ردود وبصاب بالاحباط جدا لما مش بلاقى ردود وبفرح جدا جدا للما الاقى عضو انا كنت عاوزة اتعرف عليه رد فى التوبيك بتاعى بس بجد بحس احساس غريب .

ندى فى الحيـاة : انا بصراحة مش عارفة نفسي بس ممكن زى ماقولت فوق انى بحب كل الناس ولو اى حد طلب منى اننا نكون صحاب بتسرع واوافق يعنى مش بشوف الاول اذا كان ينفع صديق ولا لا بس مش بثق فى الناس بسهوله بس عموما انا شايفه نفسى طيبه وكنت وانا صغيرة ليا هدف فعلا انى انجح فى دراستى واحقق لماما اللى هى عاوزاه اى نعم محققتش كل حاجة بس اهو لكن دلوقتى مبقاش عندى هدف فى الحياة تقدر تقول كده عايشاها عشان اكمل تحقيق هدفى الاولانى . انا عارفة انى بخرف بس ده سؤال صعب

اعذرنى بقى فى الردود الهبلة دى
اصلك يا ميدو بصراحة صدمتنى

منورة كرسي الاعتراف يا نادو وبعيد الشر عني يارب
عموما انا هسأل اسئله سهله خالص بحبك بقي اعمل ايه
ايه رايك في الحياة من غير شباب؟؟
والدنيا من غير حب؟؟
يقال ....وما الحبيب الا الحبيب الاولي ايه رايك !!!
ويقال ايضا .... ومن الحب ما يقتل محتاجين رايك فيها برده!!!
ما هي طموحاتك؟؟
ومن اكتر الاعضاء خفه د :cyclops: م برايك اقصد اعضاء المنتدي
ومن اكثرهم شعبيه ؟

خلى بالك من اللى جاى يا ندى

مين اكتر ناس بتحبيهم هنا او مين اكتر ناس شعبيه بالنسبه ليكى؟؟

عمرك حبيتى بجد؟؟

طب تحبى دلوقتى؟؟

عشتى لحظات حلوه اد ايه؟؟

بتخرجوا مع بعض؟؟

طب بتحبيه؟؟

قالك انا بحبك؟؟

طب قالك انتى وحشتينى وبحبك كام مره؟؟

معلش يا نادو انا جايه سخنه
ههههههههههههههههههههههههههه يلا جاوبى بصراحه متتكسفيش دا انتى على كرسى الاعتراف ولو حصل نصيب وبقيت فى كرسى الاعتراف ابقى اعملى اللى انتى عيزاه فيا

اقتباس :

منورة كرسي الاعتراف يا نادو

عقبال ما تنوريه يا قمر

اقتباس :

عموما انا هسأل اسئله سهله خالص بحبك بقي اعمل ايه

اهو انا كده بموت فيكى

اقتباس :

ايه رايك في الحياة من غير شباب؟؟

اكيد طبعا جميلة والواحد حتى ياخد راحته

لا طبعا بجد اكيد مش هتنفع يعنى لان ده بيكمل ده والشباب بتكمل البنات

اقتباس :

والدنيا من غير حب؟؟

مفيش دنيا اكيد من غير حب والا ازاى الناس هتعيش مع بعضها اكيد لازم يكون فى حب بكل انواعه

اقتباس :

يقال ....وما الحبيب الا الحبيب الاولي ايه رايك !!!

مش فاهمة السؤال ..ممكن توضحى اكتر ..اوعى تقولى بهرب من السؤال

اقتباس :

[b]ويقال ايضا .... ومن الحب ما يقتل محتاجين رايك فيها برده!!!

[/b]دى ممكن تكون حقيقة لكن مش دايما يعنى لو حد بيحب حد اوى اوى اكيد هيكون مستعد انه يموت علشانه
وبرده فيه ناس العكس تقولك وانا اموت ليه مايموت هو هههههههه

اقتباس :

ما هي طموحاتك؟؟

امممممممممم .. انى اخلص جامعة واشتغل مترجمة ...... وبس:cyclops:

اقتباس :

ومن اكتر الاعضاء خفه د م برايك اقصد اعضاء المنتدي

والله مش عارفة بس ممكن اقول كارمن يعنى روحها حلوة كده وبتهزر بس بصراحة كل الاعضاء عسل

اقتباس :

ومن اكثرهم شعبيه ؟

برده مش عارفة بس يعنى كل الاعضاء معروفين وفيه كتييييير

ميرسي ليكى يا حبيبي على الاسئلة السهلة دى هشيلهالك جميلة ليوم زنقتك فى الكرسي

خلى بالك من اللى جاى يا ندى

ياماما طيب بتخوفينى ليه بس

مين اكتر ناس بتحبيهم هنا او مين اكتر ناس شعبيه بالنسبه ليكى؟؟

بحب اكيد كل الاعضاء اللى اعرفهم واللى مش اعرفهم بحاول اعرفهم عشان احبهم

عمرك حبيتى بجد؟؟

اه .. لما كنت فى الابتدائى :arrow: .. بس طبعا كان يعنى حاجة كده

طب تحبى دلوقتى؟؟

يعنى مفيش حاجة فى حياتى دلوقتى او تقدرى تقولى كده مش بفكر فى الموضوع

عشتى لحظات حلوه اد ايه؟؟

لحظات حلوة من ناحية ايه يعنى
انا بقضى لحظات حلوة مع بابا وماما واخواتى

بتخرجوا مع بعض؟؟

السؤال ده اجابته مترتبة على السؤال اللى فوق عشان كده نو كومينت

طب بتحبيه؟؟

اه لما كنت فى الابتدائى كنت بحبه ههههههههههههه

قالك انا بحبك؟؟

يالهوى 8) هو كان يقدر

طب قالك انتى وحشتينى وبحبك كام مره؟؟

ولا مرة

معلش يا نادو انا جايه سخنه

لا سخنة اوى
ههههههههههههههههههههههههههه يلا جاوبى بصراحه متتكسفيش دا انتى على كرسى الاعتراف ولو حصل نصيب وبقيت فى كرسى الاعتراف ابقى اعملى اللى انتى عيزاه فيا

طبعا مش هستناكى تقوليلي دانا هوريكي

لا انا اقصد
ان في مقوله مشهورة بتقول زما الحبيب الا الحبيب الاول
هل انتي مقتنعه بيها

كويس انك جاوبتى بصراحه يا نادو

وانا اقصد من نحيت اللحظات الحلوووووووه يعنى انتى عشتى مع اللى فى بالك لحظات حلوه

تبقى مردودالنا فى الافرح يا نادوووووو سلام يا جميييييييل

انا بقى اسئلتى سهله جدا ياندى

ما هي هوايتك المفضلة ؟

كيف تعرفتي على منتدى اصحابنا ؟

ماهي اكلتك المفضلة ؟

ما احب الالوان اليكِ ؟

من اقرب الاعضاء الى sweet girl ؟

ماهو القسم الذي تفضلينه في المنتدى ؟

ما ذا تتمني في المستقبل ؟

ماذا تعني لكي الكلمات الآتية .... العاطفة .... الرحمة ..... العقلانية .. موضحة إجاباتك بمواقف حدثت لكي

عندك كام صديقة ممكن تثقي فيها جدا لكي تطلعيها على أسرارك.

إيه أكتر موقف محرج حدث ليكي في الجامعه.

مين من الكتاب بتحبي تقرأي ليه ،إذا كنتي من هواة الأدب.

إيه أفضل بلد تحبي تعيشي فيها في جمهورية مصر العربية .

بإمكانك حذف إجابتين أو الإستعانة بصديق

إتصل على 0000 0000 وتأكدى إن محدش هايعبرك

اكتفى بهذا ولي عودة ان شاء الله

انا بقى اسئلتى سهله جدا ياندى

يارب

ما هي هوايتك المفضلة ؟

النت والرسم والقراءة

كيف تعرفتي على منتدى اصحابنا ؟

عن طريقك ههههههههه>>> افكرك ياستى لما انتى بعتيلى على منتدى كده رساله وقولتيلي على المنتدى ده ولما جيت هنا حبيت جو المنتدى واشتركت فيه وبس

ماهي اكلتك المفضلة ؟

فراخ بانية ومكرونة بالباشميل :P

ما احب الالوان اليكِ ؟

الازرق والسماوى

من اقرب الاعضاء الى sweet girl ؟

والله انا مش اقدر اجاوبك على السؤال ده لانى مش اعرف كل الاعضاء وحتى لو اعرف حد مش اعرفة ولا قابلته ولا كده يعنى كل العلاقة بحط مواضيع والاعضاء ترد عليها وبس

ماهو القسم الذي تفضلينه في المنتدى ؟

الازياء والموضة :cyclops:

ما ذا تتمني في المستقبل ؟
اتمنى انى اطلع مترجمة وهو ده يخلينى مش عاوزة حاجة تانى

عندك كام صديقة ممكن تثقي فيها جدا لكي تطلعيها على أسرارك.

هى واحدة لانى بؤمن بقول السر مع اكتر من تلاتة مينفعش

إيه أكتر موقف محرج حدث ليكي في الجامعه.

احم احم طيب ليه الاحراج ده بس ..اقولك بس محدش يضحك ..كنت فى مرة جوة الكلية وعاوزة اطلع على الباب
فركبت الدودو من جوة الكلية وبعدين وانا بركب راحت الشوز بتاعى وقع والدودو مشى ومشي بسرعة كمان واللى بيسوق بعيد مش عارفة اقوله يقف ولما وقف بقى كنت بعدت اوى عن الشوز ولما نزلت روحتله مش لقيته اتخضيت جدا وقولت ايه ده هو انا هروح حافية ولا ايه ..المهم وقفت وفضلت ابص كده وبرده مش لاقياه وبعدين لاقيت ولد بينادى عليا بصيت لاقيته ماسك الشوز بتاعى وواقع من الضحك وبيقولى بتاعك ده ..طبعا مش هاقولكو على حالى ساعتها حتى انا يوميها روحت ومش حضرت باقى المحاضرات ..موقف فظيع

مين من الكتاب بتحبي تقرأي ليه ،إذا كنتي من هواة الأدب.

والله يا انوس انا حتى لو بقرا كتب مش بعرف مين اللى كاتبها انا المهم عندى فيها ايه وخلاص

إيه أفضل بلد تحبي تعيشي فيها في جمهورية مصر العربية .

بصى هو انا مش عارفة لانى مش جربت العيش فى حته تانية غيير طنطا عشان كده تلاقينى اقولك احب اقعد فى طنطا لانى بحبها حتى تلاقى كده هادية والاماكن اللى فيها سهلة ومعروفة

بإمكانك حذف إجابتين أو الإستعانة بصديق

قصدك حذف سؤالين يالهوى على الاسئلة ايه ده يا انوس

إتصل على 0000 0000 وتأكدى إن محدش هايعبرك

اكتفى بهذا ولي عودة ان شاء الله

عودة ....ياخرااااااااااااابي

ندى
ان شاء الله تكون القاعده على الكرسى عجبتك

وانا جايبلك شوية اسئله حاجه خفيفه كده

جاوبى ياعسل

من يكون الرجل الذي تقفي امامه ضعيفه!!

عندما تكوني معجبه به .. ماهي طريقتك في الوصول الى قلبه !!

والدتك هل هي النموذج في حياتك .. ولو لم تكن والدتك من يكون من وجهة نظرك !

في احد الاماكن العامة رأيتي من كان يوما يسكن القلب .. يمسك بطفله .. كيف تكون ردة فعلك !!

كم مرة تنازلتي عن مبادئك من اجل رجل !!

هل تتزوجي من تحبينه.. ام تحبي من تتزوجيه !! وايهما ترينه اجمل ؟

ايهما اجمل ولماذا : الرجل في الواقع ام في الخيال!!

هجرك من تحبينه .. هل تبادليه الهجر ام تتوددين له حتى تنعمين بوصاله مرة اخرى !!

هل خضت يوما حربا من اجل الوصول الى قلب رجل .. وهل ظفرت بقلبه !!

ماهي الكلمة التي تربكك من الرجل!!

وانتظرى منى اسئلة اخرى

اهلا بيك يا ميدو وبعودتك من تانى

من يكون الرجل الذي تقفي امامه ضعيفه!!

مفيش راجل يقدر يخلينى اضعف الا لو حسيت انه فعلا هو ده اللى لو من غيره مش هعيش
وده قليل اوى

عندما تكوني معجبه به .. ماهي طريقتك في الوصول الى قلبه !!
مش عارفة يمكن لانى مجربتش
بس اكيد كل بنت لو بتحب واحد وعاوزة توصله فيه طرق كتير يعنى ممكن اعرف نقط ضعفه واضغط عليه .........هعقده هههههههههههه

والدتك هل هي النموذج في حياتك .. ولو لم تكن والدتك من يكون من وجهة نظرك !
طبعا والدتى لانى بشوف منها حاجات كتير وبتعلم منها

في احد الاماكن العامة رأيتي من كان يوما يسكن القلب .. يمسك بطفله .. كيف تكون ردة فعلك !!

سابتسم للطفل واشيلة واضحك معاه واكلم اللى كنت بحبه عادى حتى لو كنت بتقطع من جوايا بس لازم ابينله انو زى ماباعنى انا بايعاه

كم مرة تنازلتي عن مبادئك من اجل رجل !!

ولا مرة ومش أتنازل أبداً عنها لانى لو اتنازلت ابقى ضعفت

هل تتزوجي من تحبينه.. ام تحبي من تتزوجيه !! وايهما ترينه اجمل ؟

احبه وبعدين اتزوجه ده بحس انو اجمل لما يكون زوجى وحبيبي

ايهما اجمل ولماذا : الرجل في الواقع ام في الخيال!!

اكيد فى الخيال لانى انا اللى هصنع المواصفت بتاعته وطريقة حبه ليا
هجرك من تحبينه .. هل تبادليه الهجر ام تتوددين له حتى تنعمين بوصاله مرة اخرى !!

اكيد هسيبه على طول ومش هرجعله تانى ابدا لانه هيستحلاها وهيقعد يسيبني ويرجعلى
هل خضت يوما حربا من اجل الوصول الى قلب رجل .. وهل ظفرت بقلبه !!

لا محصلتش خالص ويارب مايحصل ابدا
ماهي الكلمة التي تربكك من الرجل!!

هو انا مجربتش

بس بيتهيالى كلمة بحبك وبس

وانتظرى منى اسئلة اخرى

منتظراك

منتى شاطره وبتعرفى تجاوبى اها

ليه يا سكر

وانتى كان حد قالك انى بليدة ومش بعرف اجاوب ولا حاجة؟

اديكي شوفتى :)

اه منا شفت خلاص

هههههههههههههه

ماشى يا قمر

ندى

كلنا كنا سعيدين بيكى وباجاتك الجميله والصريحه

وانتى كنتى ضيفه خفيفه وحبوبه ومرحه

بنشكرك على اجاباتك

ونتمنى تكونى مضايقتيش مننا واحنا كنا سعداء بيكى ويارب يكون الكرسى عجبك

ودلوقتى نقولك يلا بقى قومى من على الكرسى لتنتقلى فى صفوف الجماهير

وبانتظار عضو جديد ان شاء الله

انتظروناااا قريبااااااا

» الضيف الثالث معانا عالكرسى .... Moha salama
» الضيف الاول في كرسي الاعتراف ياترى مين ؟؟؟
» (..... Mido ....) الضيف السادس على كرسى الاعتــــــــراف
» الضيف الثانى فى لكرسى الاعتراف يا ترى مين؟؟؟, يلا بينا نشوف
» ياترى حافظ كل اغانى تامر؟