الضيف الثالث معانا عالكرسى .... Moha salama

الضيف الثالث فى كرسي الاعتراف

.

.

.

.

.

.

.

Moha salama

مشهور بضحكته عرف بطيبته على الرغم من انه بقاله فترة بسيطه بس قدر يكسب حب كل الاعضاء وسأسعد بتشريفه هنا لكي يقر ويعترف ويظهر ولو مرة في النور وهو ضيفي الثالث

حدثنا وعرفنا عن نفسك ... البطاقة الشخصية

ما مؤهلكم العلمي ؟

ما هواياتكم المفضلة ؟ وأيهما الأفضل لديكم؟

كيف كانت بدايتكم مع الانترنت ؟

بماذا تصف الحب الأول ؟

هل تشعر بالفراغ العاطفى؟ولماذا

ماهو اكثر شئ تخشاه ؟

شخص تحتاج لقربه الآن منك ؟

هل حققت هدفك بالحياه حتى الان ؟وماذا كان هو ؟

هل ندمت على قرار اتخذته فى حياتك؟ولماذا

بماذا تصف المسئولية الكاملة والناضجة في رائيك الخاص ؟

هل لديك الشجاعه والصراحه انك تعترف انك اخطأت يوما ما وماهو الموقف الذي حدث فيه ذلك الخطأ؟

هل تشعر بالملل ولماذا ؟

هل انت قاسى بالتعامل مع الجنس الاخر؟

ماذا تصف شكلك العام؟

ما الصفه التى تطلق عليك غالبا؟

هل بالك مشغول بشىء؟

هل انت بوجهين؟

هل تتقبل النقد الصريح جدا؟

هل انت عصبى؟

بمذا تصف الغرور برئيك الخاص ؟

اوصف نفسك كما تراها انت؟

أوصف نفسك بكلمات بسيطة كما يراك الناس ؟

ما معنى الإهانة بالنسبة لك ؟

عضو أهانك من المنتدى ما شعورك تجاهه و تصرفك أيضا ؟

لك الحرية في أن تختار خمسة أعضاء وتوصفهم برائيك؟

من هو الرجل في نظرك ومن هي المرأة ايضا في نظرك ؟

أضف إلينا معلومه ؟

ماهو رايك بالمنتدى بصراحه تامه ومطلقه ؟

ماهي اوجه القصور والسلبيات ؟

اذا قال لك الادمن اريد منك اقتراح في الوقت الحالي يا ترى ما هو ؟

ما هى الطرق فى تحفيظ القران الكريم وتعلم الابناء على حفظة ؟

ما رايك فى متابعة الاسرة للاطفال وهم على النت ؟

اسوء عشر ثواني في حياتك ؟

ما هي حكمتك في الحياة ؟

وجه نصيحة لكل الشباب و البنات بمنتدا أصحابنا ؟

مارائيك بكرسي الاعتراف هلي تريد أن تضيف اقتراحا ام تراه انه لا ينقصه شئ ؟

--------------------

أولا أنا باشكر ميدوو على الكلمتين الحلوين اللى كتبهم فى الاول
بس على فكره انا مش مشترك بقالى فتره بسيطه ولا حاجه أنا مشترك من زمان بس ماكنتش بادخل كتييييير غير فى الفتره الاخيره
و باشكره على التدبيسه اللى هو دبسهانى و اللى مش عارف أعمل فيها ايه
بس يالا ماليش غير انى أعترف

حدثنا وعرفنا عن نفسك ... البطاقة الشخصية
انا اسمى محمد سلامه عبد السلام ( و باقى الاسم انتم عارفينه )
السن 19 سنه ( وشويه )
مصرى الجنسيه من أصل عربى
مولود فى المنصوره و أسكن بأجا

ما مؤهلكم العلمي ؟
طالب بالفرقه الثانيه بكلية الزراعه جامعة المنصوره
و باحب مجال النحل جدا جدا جدا
و نفسى لما أكبر يكون عندى كبر منحل فى مصر

ما هواياتكم المفضلة ؟ وأيهما الأفضل لديكم؟
هواياتى المفضله الكمبيوتر و النت
الرسم
شغل الجرافيك
و الافضل طبعا القراءه و خصوصا الكتب العلميه و الخيال العلمى

كيف كانت بدايتكم مع الانترنت ؟
طبعا بدايتى على الانترنت منذ 6 سنوات على يد صاحبنا مادوكس ( الله يسامحه )
ومن يومها و أنا قاعد بانت و مش قادر أبطل ( زى الادمان )

بماذا تصف الحب الأول ؟
الحب الاول طبعا هو أحسن حب فى حياة الانسان هو عادة بينتهى نهايه مأساويه تودى أحد الحبيبين العنايه المركزه على القلب و الاخر مستشفى المجانين قسم روميو و جولييت
بس احساسه بيكون لذيذ و جميل

هل تشعر بالفراغ العاطفى؟ولماذا
لا و الحمد لله لأنى باحب كل الناس و أفتكر إن كل الناس بيحبونى ( ماعدا ميدوو علشان هو اللى دبسنى فى الكرسى ده )

ماهو اكثر شئ تخشاه ؟
أكثر شئ أخشاه بعد الناس عنى فى الوقت اللى أكون محتاجهم

شخص تحتاج لقربه الآن منك ؟
حاليا حاليا و احنا فى أيام الامتحانات
أكثر الاشخاص اللى أنا عاوزها تكون جانبى واحد شاطر و مذاكر كل المواد علشان أنجح هههههههههههه

هل حققت هدفك بالحياه حتى الان ؟وماذا كان هو ؟
الصراحه أنا باحاول أحققه
و هو أنى أكون ناجح فى حياتى العمليه يعنى غير الكليه

هل ندمت على قرار اتخذته فى حياتك؟ولماذا
الحمد لله أنا عمرى ما ندمت على قرار أنا اتخذته لأن كل قرار باحاول أفكر فيه قبلها
حتى القرارات اللى أنا ما فكرتش فيها أوى كانت غلطاتها بسيطه و مش فاكر منها حاجه

بماذا تصف المسئولية الكاملة والناضجة في رائيك الخاص ؟
المسؤليه الكامله هى تحمل الانسان لمهامه فى الحياه و محاوله انجازها بأسرع مايمكن و باخلاص
و ده من وجهة نظرى

هل لديك الشجاعه والصراحه انك تعترف انك اخطأت يوما ما وماهو الموقف الذي حدث فيه ذلك الخطأ؟
أيوه عندى الشجاعه بكده و لو أخطأت فى يوم باحاول أتعلم من الخطأ ده
بس الاخطاء كتيييييير لدرجة انى مش فاكر منها حاجه

هل تشعر بالملل ولماذا ؟
أحيانا لما باكون فاضى و زهقت من النت و مش لاقى حاجه أعملها غير الخروج

هل انت قاسى بالتعامل مع الجنس الاخر؟
لأ بس بعض الاحيان باحب أترازل عليهم ( غتاته يعنى )

ماذا تصف شكلك العام؟
الحمد لله بشهادة الكل مقبول جدا و محبوب من الكل

ما الصفه التى تطلق عليك غالبا؟
صاحب صاحبه و متحمل للمسؤليه

هل بالك مشغول بشىء؟
حاليا انى مش مذاكر أى حاجه و احنا على مدخل الامتحانات

هل انت بوجهين؟
لا و الله دانا حتى ماليش غير وش واحد و بيبص للأمام دايما و كل أصحابى يعرفوه

[size=24]هل تتقبل النقد الصريح جدا؟[/size]
أقبل النقض الصريح بس مش على الملأ و يكون بينى و بين اللى بينقضنى فقط

هل انت عصبى؟
الصراحه أيوه
و عصبى جدا أوقات
و أوقات بكون باااااااااااااااارد ( بالذات لما باكون مصدع )

بمذا تصف الغرور برئيك الخاص ؟
الغرور فى رأيى مرض نفسى و احساس بالنقص
و الا كان هايحس انه زى بقية الناس

اوصف نفسك كما تراها انت؟
كما أرى نفسى
محبوب , طيب , متحمل للمسؤليه , صريح و بالذات مع أصحابى , صادق , عطوف

أوصف نفسك بكلمات بسيطة كما يراك الناس ؟
ناضج , متفهم , ذو شخصيه جيده

ما معنى الإهانة بالنسبة لك ؟
محاولة التقليل من الشأن

عضو أهانك من المنتدى ما شعورك تجاهه و تصرفك أيضا ؟
لا الصراحه جميع أعضاء المنتدى حلوووووين جدا جدا و مفيييييش أحسن من كده
و بعدين محدش يقدر يهينى ( دا المدير صاحبى )

لك الحرية في أن تختار خمسة أعضاء وتوصفهم برائيك
مادوكس : متسلط فى رأيه , ظريف , بس عيبه انه بيخلط الهزار بالجد
دودو : حبيب قلبى , رجليه بتوجعه كل ماجى أهزر معاه ( مش عارف ايه السبب )
نورمينا : أموره و صغيوره
غمزه : قطه عثوله
مش أنا : بدر منور فى سماء المنتدى

من هو الرجل في نظرك ومن هي المرأة ايضا في نظرك ؟
الرجل : متحمل للمسؤليه , قوى , مؤدب , ذو خلق , صريح , عطوف , متسامح
المرأه : الحب , الحنان , الجنس الناعم , مدرسة الاخلاق , تصون رجلها

أضف إلينا معلومه ؟
مصر موجوده فى شمال افريقيا ( ههههههههههههه )
لغة النحل هى لغة الرقص ( لذلك يسمى بالنحل الراقص )

ماهو رايك بالمنتدى بصراحه تامه ومطلقه ؟
بصراحه لمنتدى جميل جدا و الاعضاء اللى فيه أجمل و أجمل
بس الاستايل الاسود أجمد

ماهي اوجه القصور والسلبيات ؟
عاوزين يكون فيه قسم لتبادل المعرفه و الخبرات
علشان المنتدى يكون متكامل

[size=24]اذا قال لك الادمن اريد منك اقتراح في الوقت الحالي يا ترى ما هو ؟[/size]
الاقتراح انه يرجع الاستايل الاسود أو يكون استايل مماثل

ما هى الطرق فى تحفيظ القران الكريم وتعلم الابناء على حفظة ؟
التعليم فى الصغر كالنقش على الحجر
و لكن أسهل طريقه انك تحفظه و أنت كبير انك تحفظ كل يوم ورد و تحاول تقرأ اللى انت حفظته قبل كده

ما رايك فى متابعة الاسرة للاطفال وهم على النت ؟
أكيد لابد من المتابعه و لكن دون منعه من ممارسة هواية النت حيث أنها من متطلبات العصر

اسوء عشر ثواني في حياتك ؟
أسوأ عشر ثوانى فى حياتى الوقت اللى كنت باجيب فيه نتيجة الثانويه العامه

ما هي حكمتك في الحياة ؟
" اخشوشنوا فإن النعمه لا تدوم "
أو كما قال رسول الله صلى الله عليه و سلم

وجه نصيحة لكل الشباب و البنات بمنتدا أصحابنا ؟
احب أقولهم سيبكم بأه من النت اليومين دول و بالذات منتديات أصحابنا علشان الامتحانات
و بوجه انذار للى هايحط أسئله بعد كده
أنه من هايشوف الكيبورد بعد كده

مارائيك بكرسي الاعتراف هلي تريد أن تضيف اقتراحا ام تراه انه لا ينقصه شئ ؟
بصراحه موضوع ظريف و خفيف و بعرفنا أكتر ببعضنا

بدايه انا احتج

ازاى يكون تالت واحد فى كرسى الاعتراف وهو لسه جديد

امال فين الاعضاء القديمه يمان

مينفعش كده

يمان عادى والله وكرسى الاعتراف هدفه اننا نتعرف على بعض اكتر ومش يهم بقى العضو قديم ولا جديد

وبحب اوجه الشكر لموحه وانتظر باقى الاسئله يامان وبشكرك على صراحتك

ايه يا جماعه
محدش عاوز يسأل ولا ايه ؟؟

:(

/أقرب عضو لك بالمنتدى ؟

2/مين برايك احسن عضوو ويستاهل يلقب بـ.. (( العضو المميز ))؟

3/ما هو الحلم الذي لم يتحقق لديك؟؟؟

4/هدفك الحقيقي بالحياة ؟؟؟

5/متى تحس بالحزن الشديد؟؟؟

6/من هو كاتم اسرارك؟؟ ؟

7 /ايش تعنيلك.....

الحب

الحياة

البحر

الحزن

الفرح

8/متى اخر دمعه انزلت ..؟؟؟

9 /موقف محرج صار لك..؟؟

واخيراا
10/سؤال تتمنااحد يسألك اياه .؟

فى البدايه انت منورنا كلنا بجلوسك على الكرسى وتسامحك فى الرد على التساؤلات

ثانبا انا بحيك على ايجباتك لانها كتير بسيطه ومقبوله

وانا مش هطول عليك

ايه احلى شئ فى الدنيا من وجهه نظرك؟

موقف عمرك ما هتنساه؟

شخص زعلان منه ونفسك تصالحه؟

تقول لمين(مش هنساك)؟

وجود لك فور يووو وان شالله تحقق كل احلامك انت كتير طيب ومرح وتستاهل كل شئ حلوووووووو

شكرا يا دودو على الاسئله
/أقرب عضو لك بالمنتدى ؟
الصراحه كل أعضاء المنتدى قريبيين منى س اكتر أعضاء المنتدى هو مادوكس لانى الانتيم بتاعه فى الكليه
و علطول ماشيين مع بعض
و بنروح و نيجى سوا

2/مين برايك احسن عضوو ويستاهل يلقب بـ.. (( العضو المميز ))؟
الصراحه فى أعضاء كتييييييير يستهلوا يكونوا أعضاء مميزين
و الواحد مش عارف يختار مين بالضبط

3/ما هو الحلم الذي لم يتحقق لديك؟؟؟
ليس كل مايتمناه المرء يدركه

4/هدفك الحقيقي بالحياة ؟؟؟
هدفى الحقيقى بالحياه النجاح فى حياتى العمليه
و انى أكون ناجح فى أسرتى و قدوه حسنه لهم

5/متى تحس بالحزن الشديد؟؟؟
أحس بالحزن الشديد عند خسارة شئ عزيز عليا و بالذات لو كان هديه

6/من هو كاتم اسرارك؟؟ ؟
أنا من النوع اللى مش بيحب يبوح بأسراره عمال على بطال
بس أخويا أحمد هو أكتر واحد باقوله على أسرارى

7 /ايش تعنيلك.....

الحب
جمييييل

الحياة
كفاح

البحر
كبيييير و جمييييل

الحزن
سيئ

الفرح
أصحاب و أحباب

8/متى اخر دمعه انزلت ..؟؟؟
انا باحاول أتظاهر بالقوه حتى فى اضعف الاوقات
علشان كده ممكن أكون زعلان جدا و نفسى أعيط بس مش قادر علشان دى عاده فيا

9 /موقف محرج صار لك..؟؟
أكتر موقف محرج مريت به يوم ما انك سألت السؤال ده

واخيراا
10/سؤال تتمنااحد يسألك اياه .؟
انا ماتجوزتش ليه لحد دلوقتى
و الله يا دودو مش لاقى سؤال يعنى الكرسى ده مش سايبنى فى حالى

بصراحه انا باشكرك ياكارمن على كلمك الجميل يا كارمن و لو عاوزه تطولى عادى يعنى
احنا بإذن الله هنحاول نجاوب على كل الاسئله

ايه احلى شئ فى الدنيا من وجهه نظرك؟
أحلى حاجه فى الدنيا من وجهة نظرى
بعد رضا الله و الوالدين أكيد رضا الناس و الحبيب

موقف عمرك ما هتنساه؟
الموقف اللى عمرى ماهنساه هو أول مره كنت أكلم فيها واحده فى الكليه

شخص زعلان منه ونفسك تصالحه؟
الحمد لله مافيش حد أنا زعلان منه بس فيه انا مخنوق منهم زى مادوكس كده
و نفسى مايزعلش منى لما أقفل عليه

تقول لمين(مش هنساك)؟
دا على أساس انى ماشى يعنى
بس اقول لكارمن انى مش هانساها لحد ماترجع مصر بالسلامه بإذن الله

و شكرا مره تانيه على تمنيكى ليا بالحظ الجيد

1-كام مره حبيت؟
2-ايه رايك فى حبيبتك؟
3-انت راضي عن حياتك؟
4- احسن اكله بتحبها؟
5- افضل مشروب بتحبه؟
6-من اكثر انسان مشتاق لرؤيته؟
7-ايه رايك فى الحب؟
8-نفسك فى ايه؟
بس يلا كفايه عليك كده جواب بقى وبكل صراحه
مع تحياتى

شكرا نورمينا على الاسئله
و بإذن الله هاحاول اجاوب بكل صراح و وضوح

1-كام مره حبيت؟

الصراحه أنا حبيت كتييييير لأوى
بس كان الحب الحقيقى مره واحده بس و هو اللى لسه مأثر فيا حد دلوقتى

2-ايه رايك فى حبيبتك؟

الصراحه هى قمر و زى العسل
و ده بشهادة الكل و خصوصا نظرة عينها

3-انت راضي عن حياتك؟
أكيد و الا كان زمانى انتحرت من زماااااااااااان

4- احسن اكله بتحبها؟
المحشى ( و خصوصا محشى ورق العنب )

5- افضل مشروب بتحبه؟
عصير المانجو

6-من اكثر انسان مشتاق لرؤيته؟
حاليا أخويا أحمد ( ربنا يرجعه بالسلامه )

7-ايه رايك فى الحب؟

الحب احساس جميييل و لذيذ
و دايما بينتهى بتهايتين يا أما السعاده الشديده و الحزن الشديد
و فى كلا الحالتين بيودى صاحبه مستشفى المجانين

8-نفسك فى ايه؟
نفسى أتجوز

و شكرا مره تانيه على الاسئله
و عاوزين أسئله أكتر
و تكون محرجه أكتر و أكتر

من هم الاعبين المفضلين ؟ سبب محبتك لهم ؟

2 اكثر موقف عجبك لاعبك المفضلين ؟؟

3 اكثر موقف ازعجك لاعبك المفضلين ؟؟

4 من هو الشخص المفضل لديك بالمنتدى ؟ ولماذا؟

5 عضو مواضيعه وردوده تعجبك ويستحق لقب المبدع بالنسبه لك ؟؟

6 اقرب الأعضاء لك ؟؟

7 كم عدد المنتديات الا تشارك فيها ؟؟

8 ماهوعطرك المفضل؟

9 ماهـي هواياتك ؟؟

10 اسوء يوم في حياتك؟

11 اظرف موقف مرعليك؟ القصه

12 ماهو افضل مكان تحب ان تقضي فيه وقتك؟ ولماذا؟

13ماهي احسن صفه فيك واسوء صفه فيك ؟

14ما معنى الصراحه برأيك ؟

16 آكلتك المفضله!

17شرابك المفضل

18 احب اوقاتك متى ومع من؟

19هل انت متابع للصحافه وماهي افضل صحيفه بنظرك؟

20توقيع لفت انتباهك بالمنتدى ؟

21مقترحاتك لتطوير المنتدى؟

22لو وقع في يديك فانوس علاء الدين وقيل لك تمني ثلاث امنيات ماذا سوف تتمنيين؟؟؟؟؟؟؟؟؟؟؟

23بيت شعر قراءته فانطبع في ذاكرتك ... هل لا ذكرته لنا؟

24هل انت ِ ممن يقتنعون بسرعة ؟

25ماالذي يجعلك تنفجر غضبا ً ؟

26ما هو هدفك في الحياة ؟

27ماريك بالمنتدايات العربيه علي النت وهل تؤدي الدور المطلوب منها او مضيعه للوقت و المال في معظمها؟

28ماهو شعورك عندما يطرح عليك سؤال تعجز الرد علية ؟

29اسئله بسيطه

تاريخ الميلاد:
برج الحظ:
الطول:
عدد الإخوة:
عدد رنات الهاتف قبل الإجابة:
هل أنت صديق جيد:
اختر أغنية تصفك أو تعبر عنك:
أحسن عادتك:
أسوأ عادتك:

30 في المستقبل
أين ترى نفسك بعد عشر سنوات:
كيف ترى الأرض بعد عشرات سنوات:
الأطفال:
اسم ابن المستقبل:
اسم ابنة المستقبل:

31 هل حدث أن....... من قبل؟

أحببت:
خالفت القانون:
هربت من المنزل:
عانيت من طوارئ طبية:
كذبت:
جربت خليط أكل أو مشروب خاص ومقزز:
فزت بشيء عن طريق الحظ، وماذا:

32 هل تؤمن بـ.....

الحب من النظرة الأولى:
مخلوقات فضائية:
أشباح:
مخلوقات أخرى:
السحر:
أبراج الحظ:
قوة المال:

34 متى كانت آخر مرة ...... فيها

بكيت:
وصلتك رسالة بريدية:
قلت "أحبك":
اشتريت شيئا لنفسك:
اشتريت شيئا لغيرك:
طبخت:

35 مــا....

هو أعز وأهم ما تملك
هي أسوأ أغنية سمعتها أبدا:
هو أحسن ما حدث لك هذا الصباح:
هو أول ما فكرت به عندما استيقظت هذا الصباح:
هو أكثر ما تذكره عن السنة الماضية:
هو أسوأ شعور في العالم:
هو أروع شعور في العالم:
هي الجهة التي تنام عليها:
هي سيارتك الحلم:
ذا يوجد على حائط غرفتك:
أكثر ما يثير أعصابك:
الذي يبكيك:
الذي يضحك:
الذي يبطئك:
أتفه سؤال اضطررت أن تجاوبه:
هو حلمك الكبير:

36 المفضل من....

الأقرباء:
البرامج التلفازية:
الشامبو:
الكتب:
المجلات:
المشروب:
الأرقام :
الصوت:
الرائحة:
نوع العمل في عطلة الأسبوع:
موسيقى تصويرية:
اللبان:
الأفلام:
المسرحيات:
المدن:
الألوان:

واخر سوال هو تتمنى اسئلك مره ثانيه ؟؟؟

انا باشكرك نورمينا على الاسئله الكتييييييييييييييييييرة دى
و شكلك بتنتقمى من اللى حصلك فى المسلسل
هههههههههههههه
و الان مع الحساااااب

من هم الاعبين المفضلين ؟ سبب محبتك لهم ؟
ميسى الارجنتينى لاعب فريق برشلونه

2 اكثر موقف عجبك لاعبك المفضلين ؟؟
هدفه الشبيه بهدف مرادونا

3 اكثر موقف ازعجك لاعبك المفضلين ؟؟
لا يوجد

4 من هو الشخص المفضل لديك بالمنتدى ؟ ولماذا؟
نورمينا علشان قررت تنتقم منى

5 عضو مواضيعه وردوده تعجبك ويستحق لقب المبدع بالنسبه لك ؟؟
سمسمة

6 اقرب الأعضاء لك ؟؟
مادوكس

7 كم عدد المنتديات الا تشارك فيها ؟؟
المنتديات التى أشارك فيها مشاركه فعاله ثلاث متنديات

8 ماهوعطرك المفضل؟
لابيدوس , هوجو

9ماهـي هواياتك ؟؟
الكومبيوتر و الجرافيك

10 اسوء يوم في حياتك؟
يوم نتيجة الثانوية العامة

12 ماهو افضل مكان تحب ان تقضي فيه وقتك؟ ولماذا؟
الجامعة
لانى باكون مع أصحابى

13ماهي احسن صفه فيك واسوء صفه فيك ؟
أحسن صفة المزاج الرايق
و أسوأ صفة العصبيه

14ما معنى الصراحه برأيك ؟
التعامل بصدق مع الاخرين

16 آكلتك المفضله!
المحشى

17شرابك المفضل
عصير المانجو

18 احب اوقاتك متى ومع من؟
أحب أوقاتى لما باكون مع أخويا أحمد
لأنى أكبر منه بسنه و باحس أنه من سنى أو أنا من سنه و كل أسرارنا مع بعض و تقريبا بنتعامل مع بعض بنفس الطريقه

19هل انت متابع للصحافه وماهي افضل صحيفه بنظرك؟
متابع لها عادة
و فى رأيي أحسن صحيفة الاهرام

20توقيع لفت انتباهك بالمنتدى ؟
هو مش توقيع واحد و منها
توقيع نورمينا و ده أول واحد لفت نظرى و لتانى توقيع غمزه و التالت توقيع سمسمه

21مقترحاتك لتطوير المنتدى؟
الصراحه انا شايف ان المنتدى كامل و فيه أقسام جميله جدا

22لو وقع في يديك فانوس علاء الدين وقيل لك تمني ثلاث امنيات ماذا سوف تتمنيين؟؟؟؟؟؟؟؟؟؟؟
أوك أنا هاجاوب بس ايه تتمنين دى بأه ؟؟؟المفروض تكون تتمنى ولا ايه ؟؟
أول أمنيه تكون أنى أتخرج من الكلية دى ( فى غمضة عين )
الثانيه انى أشيل ميدوو من الاداره
و الثالثه إن كل الاوسمه اللى أخدناها تتشال
غتااااااااااااااااته

23بيت شعر قراءته فانطبع في ذاكرتك ... هل لا ذكرته لنا؟
ضاقت فلما استحكمت حلقاتها ***** فرجت و كنت أظنها لا تفرج

24هل انت ِ ممن يقتنعون بسرعة ؟
لااااااااااااااااااااا

25ماالذي يجعلك تنفجر غضبا ً ؟
لما حد يعمل حاجه مش عجبانى و يكون هو عارف كده

26ما هو هدفك في الحياة ؟
النجاح فى حياتى العملية و تكون فى مجال تخصصى

27ماريك بالمنتدايات العربيه علي النت وهل تؤدي الدور المطلوب منها او مضيعه للوقت و المال في معظمها؟
الصراحه فى منتديات عربيه كتيييييييييييييييره مش لازم تكون موجوده و مفيش حد بيفتحها
لأنه مش هايستفيد منها

28ماهو شعورك عندما يطرح عليك سؤال تعجز الرد علية ؟
أكيد الاحراج بس أنا باحاول أجاوب عليه بأى طريقه
29اسئله بسيطه

تاريخ الميلاد:
9 / 11 / 1988

برج الحظ:
العقرب

الطول:
185 سم

عدد الإخوة:
5

عدد رنات الهاتف قبل الإجابة:
2

هل أنت صديق جيد:
نعم بشهادة الكل

اختر أغنية تصفك أو تعبر عنك:
أعز الناس للعندليب

أحسن عادتك:
المزاج الرايق

أسوأ عادتك:
التعصب

30 في المستقبل
أين ترى نفسك بعد عشر سنوات:
فى بلدنا

كيف ترى الأرض بعد عشرات سنوات:
باذن الله أحسن من دلوقتى

الأطفال:
اسم ابن المستقبل:
أحمد

اسم ابنة المستقبل:
هبة

ل حدث أن....... من قبل؟

أحببت:
أكيد

ت القانون:
أبدا

هربت من المنزل:
أبدا ابدا

طوارئ طبية:
لا

كذبت:
لا

جربت خليط أكل أو مشروب خاص ومقزز:
البيض باللبن

فزت بشيء عن طريق الحظ، وماذا:
لا كل اللى فزت به كان من مجهودى

32 هل تؤمن بـ.....

الحب من النظرة الأولى:
أيوه

مخلوقات فضائية:
لا و الله أعلم

أشباح:
نعم

مخلوقات أخرى:
أكيد

أبراج الحظ:
كذب المنجمون و لو صدقوا

قوة المال:
المال و البنون زينة الحياة الدنيا

ت:
وصلتك رسالة بريدية:
رسالة التنسيق

اشتريت شيئا لنفسك:
من شهر

اشتريت شيئا لغيرك:
من يوم عيد الام

هو أعز وأهم ما تملك
رضا الوالدين

هي أسوأ أغنية سمعتها أبدا:
أغانى ميسا

هو أحسن ما حدث لك هذا الصباح:
أنى قمت من النوم (بعد كابوس مزعج )

هو أول ما فكرت به عندما استيقظت هذا الصباح:
أنى أذاكر لإمتحان بكره

هو أكثر ما تذكره عن السنة الماضية:
صديقى محمد صبرى

هو أسوأ شعور في العالم:
سوء الظن

هو أروع شعور في العالم:
حب الناس

هي الجهة التي تنام عليها:
اليمنى

هي سيارتك الحلم:
لانسر

ذا يوجد على حائط غرفتك:
سورة الفلق

أكثر ما يثير أعصابك:
لما حد يعمل حاجه مش عاجبانى و يكون هو عارف كده

الذي يبكيك:
فراق الاحبة

الذي يضحك:
هزار ميدوو

أتفه سؤال اضطررت أن تجاوبه:
واحد أعرفه بس رزل كان وقفنى و أنا فى طريقى من الدرس أيام الثانوى و بعد ما عطلنى سألنى انتا هاتقضى شم النسيم فيييييييييييين ؟؟

هو حلمك الكبير:
النجاح فى حياتى العملية

:
البرامج التلفازية:
العلم و الايمان ( أيام زمان )

الشامبو:
هيد أند شولدرز

الكتب:
الكتب العلمية و قصص الخيال العلمى

المجلات:
مجلة العلم الشهريه

المشروب:
عصير المانجو

الأرقام :
الفرديه

الصوت:
الناعم

الرائحة:
هوجو , لابيدوس

نوع العمل في عطلة الأسبوع:
النت

موسيقى تصويرية:
عمر خيرت

الأفلام:
الاكشن

المدن:
المنصورة

الألوان:
الازرق

وال هو تتمنى اسئلك مره ثانيه ؟؟؟
أكيد و ياريت تكون أسئله محرجه أكتر من كده
هههههههههههههههههههههههه
و شكرا مره تانيه على الاسئله

» الضيف الخامس : ضيفة لذيذة معانا !!! ياترى مين ؟؟؟؟
» (..... Mido ....) الضيف السادس على كرسى الاعتــــــــراف
» الضيف الاول في كرسي الاعتراف ياترى مين ؟؟؟
» الضيف الثانى فى لكرسى الاعتراف يا ترى مين؟؟؟, يلا بينا نشوف
» أخر ما صدر من برامج لموبايلات الجيل الثالث