هل :: الطيبة :: أصبـ ح ـت :: ع ـبط :: >> موضوع للتحاور والنقاش <<

السلام عليكم ورحمة الله وبركاته

ازيكم يا أحلى شباب وبنات فى أحلى منتدى
النهاردة بقى جايب موضوع جميل ولاحظته أوى يا جماعة فى المجتمع بتاعنا وهو >> الطيبة << ايه رأيكم نتناقش فيه ...
عارفين يا شباب زمان كانت الناس تتميز بالطيبة لأنها كانت ميزة بجد مش أى كلام يتميز بها الانسان فى وقتهم هذا ، ولكن اللى بنشوفه النهاردة بقى يا جماعة انها أصبحت نقطة سيئة فى تاريخ الإنسان لو امتلكها ... دا الواقع بتاعنا صح ولا لأ ؟

نتكلم بقى وبصراحة اننا عارفين ان طيبة القلب صفة محمودة وجميلة فى الانسان بل ومطلوبة ومرغوبة فيه ولو لاحظتوا الإنسان الطيب القلب محبوب من الجميع ، القضية بقى يا شباب فى طيبة القلب دى انهم وصفوا الانسان الطيب القلب فى زمنا دا على إنه شخص ضعيف ودا على حد قولهم ، وأصبحت الطيبة توصف بالضعف والتخلف لماذا ؟؟ هذا سؤال يطرح نفسه ، واجابته لأنه إنسان اتصفبالسماحة والشفافية ... وأصبحوا الناس يستغلون هذهالطيبة للأسف لقضاء مصالحهم وتجاوزهم أى نظم !!!

>>> محور نقاشنا بقى يا شباب <<<

1- هل للطيبة حدود ؟؟ ولو كانت لها فما حدودها ؟؟
2- ايه رأيك بطيب القلب وبما تصفه هل تصفه بالضعف أم تصفه بالسماحة والشفافية ؟؟
3- كيف نتعامل مع صاحب القلب الطيب ؟؟
4- هل أصبحت الطيبة عيب من عيوبنا ؟؟
5- هل الطيبة أصبحت = ضعف الشخصية ؟؟

كل دى يا شباب أسئلة عاوز منكم الإجابة عليها
واتركوا العنان لقلمكم فى مناقشة هذه القضية ...

أخوكم / ميدو

1- هل للطيبة حدود ؟؟ ولو كانت لها فما حدودها ؟؟

2- ايه رأيك بطيب القلب وبما تصفه هل تصفه بالضعف أم
تصفه بالسماحة والشفافية ؟؟

3- كيف نتعامل مع صاحب القلب الطيب ؟؟

4- هل أصبحت الطيبة عيب من عيوبنا ؟؟

5- هل الطيبة أصبحت = ضعف الشخصية ؟؟

والله موضوع جميل اوى اوى ياميدو تسلم على الطرح الجميل دىوتسلم ايدك اللى ابدعد فى طرح الموضوع
على فكرة انا يمكن الشخصيه اللى انت بتكلم عليه

مش يمكن لالا هو انا كدة والله وفى وقت بحس ان عبيطه وبزعل من الطيبه دى بس هى طبيعه بقى وبزعل منها اوقات

عشان الطيبه دى تكون مع اللى يقدرها ويعرفها مش يقول ان هى عبط

احب اقولك ان الطيبه مش وحشه وعيب بس فى بعض الوقات فى ناس بتقول عليه عبط وفى ناس بتقول سزاجه
وهى مش كدة ولا كدة دى طيبة قلب نقى طيبة بيت وتريبة كويسه على فكرة انا يمكن الشخصيه اللى انت بتكلم عليه
مش يمكن لالا هو انا كدة وفى وقت بحس ان عبط اوى عبط
عشان الطيبه دى تكون مع اللى يقدرها ويعرفها مش يقول ان هى عبط

ميدو مش عارفه انا عرفت ارد وردى فى صميم الموضوع ولالا

على العموم الواحد اوقات بيكون عاوز يوصل اللى فى دماغو ويمكن مش عارف

ردى دا على قد عقلى بقى
واشكراك تانى وثالث ورابع وعشر على الموضوع الجميل جدا جدا جدا

[color:d014="Blue"]- هل للطيبة حدود ؟؟ ولو كانت لها فما حدودها ؟؟
ا[color:d014="DarkOrange"]كيد للطيبة حدود يا ميدووو حدودها فى التعامل مع الشخص اللى قدامك
2- ايه رأيك بطيب القلب وبما تصفه هل تصفه بالضعف أم تصفه بالسماحة والشفافية ؟؟
[color:d014="#ff8c00"]يتصف بالسماحة والشفافية
3- كيف نتعامل مع صاحب القلب الطيب ؟؟
بالسماحة والطيبة
4- هل أصبحت الطيبة عيب من عيوبنا ؟؟
لست الطيبة عيب العيب فى الشخص المدعى للطيبة

1- هل للطيبة حدود ؟؟ ولو كانت لها فما حدودها ؟؟

اه طبعا الطيبة لازم يكون لها حدود وحدودها اكيد فان الشخص الى بتتعامل معه ميتعداش حدودو لان فى ساعات ناس بتستغل هذه الطيبة فى اشياء مش كويسة وكل دة بسبب ان الانسان الى قداموا طيب او معندهوش تجارب كتير فى الحياه

2- ايه رأيك بطيب القلب وبما تصفه هل تصفه بالضعف أم تصفه بالسماحة والشفافية ؟؟

اكيد سماحة وشفافية لان الانسان دة مبيكونش مخون حد او بمعنى اصح بيتعامل مع كل الناس بطيبة وتلقائية زى ما الانسان الكويس بيفكر الناس كلها كويسين وبردوا الوحش بيفكر الناس وحشين فالطيب دة بيتعامل مع الناس على ان كل الناس دى زيه

3- كيف نتعامل مع صاحب القلب الطيب ؟؟

انا عن نفسى ليه واحده صحبتى طيبة جدا ومقلكش انا بحبها قد ايه بجد بحس ان معندهاش خباثة ولا حقد ولا كراهية لااى حد حتى لو الانسان دة هيضرها بس انا بحاول على قد مقدر اقولها المفروض متعمليش كدة او الانسانة دى مش كويسة بحاول على قد مابقدر افهمها الدنيا ماشية ازاى رغم خبرتى بردوا القليلة فى الحياه

4- هل أصبحت الطيبة عيب من عيوبنا ؟؟

بص ياميدو هقولك على حاجة زمان كانت ميزة زى ماانت قولت علشان بجد الناس زمان غير دلوقتى خالص كانت كل الناس بتحب بعض بتخاف على بعض بتقف جنب بعض لكن دلوقتى اصبحت عيب علشان الناس دلوقتى اتغيرت 360 درجة عن زمان دلوقتى كل انسان الى يهموا نفسوا بس حتى لو هيضر ناس تانية المهم نفسوا فى الاول والاخر ايوة انا منكرش ان لسه فى ناس كدة بس قليل جدا

5- هل الطيبة أصبحت = ضعف الشخصية ؟؟

لا انامبعتبرهاش ضعف شخصية خالص انا بجد بحب الانسان الى كدة دى طبع عند كل انسان وبيختلف من شخص الاخر

وبجد اشكرك جدا على الموضوع دة ياميدو
تسلم ايدك

يسلموا ع المرور والاراء الحلوة
وبجد كلكوا متميزين
ثانكس جنه ومتقلقيش الطيبه مش وحشة بس لازم تعرفى تتعاملى مع الناس كويس علشان الناس هى اللى مش كويسه وممكن ساعات الطيبه دى تستغل
ثانكس دودو على رايك والمشاركة ياحبى
دينا رايك جامد جدا تسلمى ياعسل

[

أولا انا بحييك يا ميدوو على طرح الموضوع الجامد ده

هو فعلا الطيبه فى زمانا ده بقت شيئ منبوذ و خصوصا لو كان الانسان ده بيتعامل بطبيعته
و انا باذن الله هجاوب على كل اسئلتك و بكل صراحه

1- هل للطيبة حدود ؟؟ ولو كانت لها فما حدودها ؟؟

شوف يا ميدوو أكيد لكل حاجه حدود و خصوصا فى الزمان ده بعد مابقى كل شيئ حلو منبوذ فيه
و حدودها ان الطيبه دى متوصلش لمرحلة الهبل اللى تخلى الناس تشمت فيك
و تقول على الشخص الطيب ده عبيط او عاوز يعمل فيها أبو قلب طيب

2- ايه رأيك بطيب القلب وبما تصفه هل تصفه بالضعف أم تصفه بالسماحة والشفافية ؟؟

أكيد طبعا هصفه بالسماحه و الشفافيه
بس ياترى لو انا هصفه كده
غيرى هيصفه بنفس الوصف ؟؟؟

3- كيف نتعامل مع صاحب القلب الطيب ؟؟

أكيد طبعا هتعامل معاهم بنفس الطريقه و هاعملهم احسن معامله كمان

4- هل أصبحت الطيبة عيب من عيوبنا ؟؟

فى الزمان ده
أيوه
الطيبه أصبحت عيب
يعنى انا ساعات بندم كتير انى كنت جدع مع ناس أندال كتير و مش المهم انى اندم عليهم
المهم انى باستحقر نفسى انى صاحبتهم فى يوم من الايام
و أكون فتحت قلبى للشخص ده

5- هل الطيبة أصبحت = ضعف الشخصية ؟؟

ممكن يكون فى ناس فى زمانا شايفنها كده
بس انا عن نفسى
شايف الطيبه دى من احسن الصفات فى الانسان الطيب
بيقدر يتحكم فى نفسه وقت الغضب
و انا من طبيعتى لو زعلت من حد بانسحب علشان ماخسرهوش لأنى عارف انى لو اتكلمت معاه فى الوقت ده
ممكن اخسره و الى الابد
فالانسان الطيب هو اللى بيقدر يتحكم فى اعصابه وقت الغضب
علشان كده المثل المصرى بيقول
" اتق شر الحليم اذا غضب "

و شكرا مره تانيه لطرحك الموضوع ايا صاحبى
تقبل تحياتى
محمد سلامه

والله بجد انت ياموحا كلامك جميل اوى وردك حلو اوى اوى

وكلامك كله صح صح صح صح
وانا معاك فى كل كلمه انت قولتها
بجد خسارة انك تكون طيب مع ناس مش بتقدر طيبتك
وخسار انك تكون طيب مع ناس تقول عليك عبيط
وبردة الطيب هيفضل طيب مش يقدر يغير من طيبته لان دى طبعيته

» موضوع للنقــــــــــــــــــــــــــــــــاش
» موضوع مهم جدا
» موضوع خطير اتفضلو قولو رأيكم فيه
» بعد الزواج أين يذهب الحب موضوع للمناقشة
» ايه رأيك فى موضوع غزه ..