!!.. عروس ( المنصــورة ) الدلتا ..!!

!!.. عروس ( المنصــورة ) الدلتا ..!!

السلام عليكم ورحمة الله وبركاته

لانكم غاليين عندي

حبيت اهديكم هديه جميله جدا

انا بعتبرها كنز

صور للمنصوره........ معشوقة الملايين

بس ايه مش اي صور ...... ترااااااااث

اسيبكم معاها باه
!!.. عروس ( المنصــورة ) الدلتا ..!! Ff2

!!.. عروس ( المنصــورة ) الدلتا ..!! Ff2

دي صورة لمديرية الري سنة 1906

طبعا انهارده ملهاش وجود

عشان لو موجوده كنت عرفت

!!.. عروس ( المنصــورة ) الدلتا ..!! A15

دي كلية الرهبان سنة 1909

واظنها مازالت موجوده الي الان لان نفس شكل المبني ده موجود

باسم مدرسة ( السانت فاميه ) او العائله المقدسه

وهي تقع في اول المختلط ( عند محطة القطر )

دي القنصليه الاسبانيه سنة 1908

عشان تعرفوا بس المنصوره كانت مهمه وفيها قنصليات

طبعا مالهاش وجود دلوقتي

ده عرض عسكري امام المديريه سنه 1906

وباين من شكل العسكر انهم اجانب من زيهم

دي مستشفي المنصوره سنة 1907

طول عمرها المنصوره مهتمه بالطب

ولها حق تكون عاصمة الطب في مصر

ده منزل انطوان بيه تادرس سنه 1910

ومعرفش مين انطوان بيه بس شكله كان حد مهم
!!.. عروس ( المنصــورة ) الدلتا ..!! 21_129

!!.. عروس ( المنصــورة ) الدلتا ..!! 21_129

ومش قادره احدد ان كان البيت مازال موجود او لا

ده شارع ميت حدر سنه 1908

واللي ميعرف ايه ميت حدر ... انا اقولكم

هو اكتر شارع حيوي في المنصوره

فيه تلاقي اي حاجه ( اكل يعني )

كله محلات لبيع الخضار وخصوصا الخضروات والفاكهه الغريبه والغير منتشره في اسواق المنصوره مثلا تلاقي فيه من الفواكه زي القشطة والافوكادو وابو فروه وثمرات جوز الهند الطازة و المانجه في غير اوقاتها والبطيخ في غير اوقاته واي فاكهه في غير وقتها تلاقيها هناك ..

غير المكسرات تلاقيها طول السنه هناك ... كمان الخضار زي الخرشوف والبروكلي واي خضار في غير اوانه او قليل التواجد تلاقيه هناك

بالاضافه الي محلات الجزاره والسمك وبعض المطاعم الشعبيه ..

احسن حد يعمل تمر هندي وعرق سوس والعصاير الطبيعيه دي تلاقيه هناك ... يعني اللي عايز اي حاجه في اي وقت هيلاقيها هناك

باختصار هو شارع يحتوي علي كل حاجه فاتح 24 ساعه مشهور جدا عندنا هو منطقه شعبيه .. ومازالت البيوت هناك قديمه

ممكن تلاقي المحلات متجدده وشكلها مطور واصلا البيت من فوقها تحس ان هيقع عليك وانت واقف ... وانا متاكده ان فيه بيوت من اللي في الصوره دي لسه زي ماهي الي الان ...

واللي عايز يشوف ميت حضر فعلا يزورها في رمضان ... وخصوصا قبل الفطار بساعتين او في الفتره من 1 بليل الي الفجر ..

بجد جو تاني خالص اللي عايز يحس برمضان علي حق يتمشي فيها قبل المغرب ...

ده مسجد الشيح حسنين سنة 1906
والشيخ حسنين هو مسجد كبير وملحق به مقام لهذا الولي

وهو حاليا ميدان كبير في المنصوره ومنطقه مهمه جدا جدا

يتفرع منه اهم سوق تجاري في المنصوره كلها وهو شارع العباسي ( اللي يعرف يمشي فيه يبقي بطل )

طبعا في الصوره واضح ان مكنش فيه بشر ... محدش يعرف يمشي في الشيخ حسانين دلوقتي لا راكب ولا ماشي ...

يعتبر منطقه شعبيه جدا ... ويقام مولد الشيخ حسنين سنويا وبيحضرله ناس من انحاء الدقهليه ويعتبر اكبر مولد بيحصل في المنصوره ..

عمري ما رحته الصراحه بس اسمع عنه

ده مسجد النجار سنة 1906

معرفوش اول مره اسمع بيه
!!.. عروس ( المنصــورة ) الدلتا ..!! Rain

!!.. عروس ( المنصــورة ) الدلتا ..!! Rain

وده مسجد حسين بيه سنة 1906

المسجد مازال موجود حتي الان ...

واللي مستغرباله انه زي ماهو بالظبط متغيرش فيه اي حاجه

بس اللي اتغير شكل الشارع

مسجد حسين بيه يقع في اول شارع حسين بيه

وهذا الشارع موقعه تحديدا في :

هو يعتبر امتداد لشارع بنك مصر

واللي بيقطعهما شارع السكه الجديده

برضه الشارع ده من اقدم شوارع المنصوره ومازال فيه بيوت قديمه بيتميز بيها وان كانت قليله لان معظمها اتهدم واتبني بدل منه عمارات ( منهم لله باه )

يشتهر الشارع ده بوجود الورش الخاصه بتصليح السيارات وبيع قطع غيار السيارات واكسسواراتها وكمالياتها وكل ما يتعلق بيها ..
الجميل عندنا ان كل مهنه معينه تلاقيها متجمعه في مكان واحد

وده منظر للنيل سنة 1906

ده كوبري طلخا سنة 1913

الكوبري ده فعلا بيوصل بين المنصوره وطلخا

طلخا دي تعتبر عاصمة المنصوره او امتدادها بس هو كل الفرق بينهم كوبري

وفى كوبري القطار

هو اول كوبري وصل بين طلخا والمنصوره واللي عمله الانجليز تقريبا .. وده عشان القطر يعدي بيه النيل

لان المنصوره من اكبر المحافظات اللي فيها خطوط سكه حديد فيها حوالي من تلات خطوط لاربعه

ولو تلاحظوا شط النيل اللي في يمين الصوره ..

كان علي شكل مساطب وكانت بتتزرع ... دي المشايه حاليا

قبل كده مكنتش اي حاجه لان فيضان النيل مكنش يسمح انها تكون طريق يستخدمه الناس

ده شارع البحر سنه 1905

ده كان شارع النيل ايامها .. انما مش المشايه حاليا

ده اللي هو شارع الجمهوريه دلوقتي ( فوق يعني )

واللي ميعرفش المنصوره اشرحله .......

يا جماعه شارع النيل زمان كان بينه وبين النيل مستوي مرتفع كتيير عشان ايام فيضان النيل كانت الميه مستواها بيعلي جدا ويفيض علي المنطقه المحيطه بيه ... فكانوا ميقدروش يستغلوا المساحه دي في حاجه غير الزراعه او يتركوها فاضيه ..

تخيلوا بيحكولي ان المشايه كلها ومنطقة النوادي في طلخا بطول النيل كانت تابعه للنيل ولا تنحصر عنها المياه الا فتره بسيطة في السنه

اللي انا بكلم عنه ده يا جماعه دلوقتي شوارع من اهم شوارع المنصوره طبعا بعد السد وقلة الميه اصبحت دي مساحات واسعه غير مستخدمه هي حاليا حيويه جدا ...

المشايه دي هي شارع الكورنيش بس مستواه قريب من النيل لان فيه شارع موازي له برضه بس اعلي منه وهو الجمهوريه والشارعين يعتبروا كورنيش بيوصل بينهم مطالع ومنازل ( موضوع كبييييييييييييير متاخدوش في بالكم )

المشايه دي حاليا تعتبر من اكتر الاماكن تحضرا وتمدنا في المنصوره ممكن نعتبرها عباس العقاد بتاع المنصوره

دي السكة الجديده سنه 1908
طبعا طبعا الكلام ده ملوش اثر دلوقتي

الا بعض البيوت القليله جدا جدا وخصوصا في السكه الجديده

لانها تعتبر شارع تجاري مهم جدا جدا في المنصوره

بس غير العباسي ... العباسي كله تجارة ادوات كهربائيه وسلع معمره

اما السكة الجديده تختص بالملابس والدهب

تقريبا كل محلات دهب المنصوره في السكة الجديده .. كمان كلها محلات ملابس واحذيه

بس لو تدققوا في الصوره تلاقي الشوارع زمان كانت مبلطة ببلاط الجرانيت الاسود

والمنصوره من المدن القليله اللي اهتم بها الجاليه الاجنبيه ( الاحتلال بمعني اصح ) ومش عارفه ليه

وفيه بعض المناطق مازالت شوارعها بنفس البلاط من عشرات السنين لا بلاطة اكسرت ولا طلعت من مكانها ولا جرالها اي حاجه ... شغل ولا كلمه

مش زي انهارده يبلطوا الرصيف ولا بيمشي عليه عجله ولا عربيه وتلاقي البلاط فرقع تاني يوم

دي المحاكم المختلطة سنه 1903

وبالمناسبه يا جماعه ...... المختلط ده حي في المنصوره وسمي بالمختلط لان كان فيه محاكم مختلطة لرعاية شئون الاجانب المتواجدين .. وللعلم المحاكم دي مازالت موجوده الي الان بس طبعا محاكم عاديه دلوقتي

لو تشوفوا البنايات هناك ... تقريبا كلها نفس الشكل ده وفيه اروع من كده ... تحس الدور الواحد فيها باربع ادوار من دلوقتي ... ايام الخير والرخص باه .

من اجمل المناطق في المنصوره بجد .... اااااااااااااااه لو عندي جراه وانزل اصور

والله كنت جبتلكم مناظر تعرفوا فيها المنصوره بجد

ده منظر عام للمنصوره 1905

ده مسجد الصالح ايوب سنة 1904

وواضح من اسمه انه بني ايام الحمله الصيليبيه علي المنصوره

ده المسجد اللي في اول العباسي

هو هو نفس الشكل ونفس اللون متغيرش فيه حاجه

اصلا مكنتش اعرف اسمه بس عرفته من شكله
واخد ناصيتين دلوقتي الناصيه الجانبيه دي بتطل علي السكه القديمه في ضهر مديرية الامن وهتلاقي اودامه علي طول رمضان السيد الكبابجي وبعده ميتشو وبعدين في الاخر تلاقي في وشك راندوبلو

اما الناصيه اللي قدامنا دي فهي بداية شارع العباسي من عند البحر ( والمحلات اللي تحت دي مازالت موجوده الي الان منها مكتبة الاقصي ومقلة العباسي و عصارة قصب معرفش اسمها ) طبعا الوصف ده للي يعرفوا المنصوره و انتو شايفين في الصوره اودامها نافوره وزرع .... دلوقتي تشوفوا كل خير ( انصحكوا متشوفوش خالص ... عينك ما تشوف الا النور )

بس بجد الجامع ده من الحاجات الاثريه اللي بحبها جدا .. كل ما اعدي من عليه ابص علي بنايته وشكله جميل جدا لكن للاسف مهمل جدا

الحاجات دي اثار والله يا جماعه حتي باين من اسمه بس مفيش اي اهتمام بيها خاااااااالص
يعني لو شفتوا دار ابن لقمان والله هتزعلوا علي شكلها كمان عندنا مساجد قديمه جدا من ايام الدوله الايوبيه ويمكن قبلها ... لكن ابدا لا حياة لمن تنادي ... عندنا مسجد اسمه ( السنجق) ده كفايه اسمه اصلا اثار لوحده ... ياله هي جت علي دي اللي هيهتموا بيها ...

ربنا معاهم باه

المهم يكون الموضوع عجبكم

وعايز اشوف تعليقاتكم علي الصور

واستنونى تكلمة الموضوع مع المنصورة عروس الدلتا حاليا

المنصوره الاول كان اسمها جزيرة الورد واتغير اسمها ل "المنصوره" بعد ما حققت النصر على الحمله الصليبيه فى معركة "المنصوره".ويوجد بالمنصوره دار بن لقمان وده هو البيت اللى اتأثر فيه لويس التاسع . على فكره كان سبب النصر فى المعركه هو صمود رجالة المنصوره .
ويوجد فيها جامعه تعتبر من اكبر الجامعات على مستوى الدوله.
من مشاهير المنصوره:د/ محمد غنيم من مشاهير زراعة الكلى فى مصر(على فكره مركز المسالك البوليه متسمى باسمه) وبرده الشيخ محمد متولى الشعراوى،أم كلثوم المطربه، الكاتب الكبير أنيس منصور، الشيخ جاد الحق على جاد الحق.
من الاخر بقى هى بلد جميله وانا بموووووووووت فيها دلوقتى بقى انا هاقدم لكم شوية صور لمدينة المنصوره.

دى شوية معلومات عن المنصوره جبتها من على موسوعة الويكبيديا
!!.. عروس ( المنصــورة ) الدلتا ..!! Post-68-1078921494

!!.. عروس ( المنصــورة ) الدلتا ..!! Post-68-1078921494

(( تاريخها ))

أنشأت في عهد الملك الكامل أحد ملوك الدولة الأيوبية عام 1221 ميلادية وعرفت باسم جزيرة الورد ثم سميت بالمنصورة بعد النصر فيما سمي لاحقا بمعركة المنصورة الذي حققه الشعب المصري على الحملة الصليبية السابعة التي حاولت احتلال مصر.

و انتصر المماليك في هذه المعركة ورد الحملة الصلبية وتم أسر قائد الحملة الصلبية في ذاك الوقت لويس التاسع بدار ابن لقمان بالمنصورة والتى لازلت موجودة كمتحف تاريخي.

موقعها:
وتقع المنصورة على الضفة الشرقية لنهر النيل فرع دمياط وتبلغ مساحتها 20 كم2. وعلى الضفة المقابلة تقع مدينة طلخا.
معالم المنصوره:
معالم المنصورةالرياضة

(( أما عن المنشأت الرياضية فتضم ))
- قرية أولمبية متكاملة تابعة لجامعة المنصورة.
- استاد مدينة المنصورة الذى يسع ل30 ألف متفرج.
- نادي جزيرة الورد الرياضي في المشاية السفلية لشارع الجمهورية (البحر).
- نادي الحوار الرياضي في المشاية السفلية لشارع الجمهورية (البحر).
- نادي أعضاء هيئة تدريس الجامعة في المشاية السفلية لشارع الجمهورية (البحر).
- نادي ضباط الشرطة.
- نادي المنصورة الرياضي
(( المعالم الأثرية ))

دار ابن لقمان الذي أسر فيه لويس التاسع لعشر سنوات مما أهله لأن يُرَسّم قديسا.
قاعات الفن التشكيلي .
قاعة قصر ثقافة المنصورة .
قاعة متحف دار بن لقمان .

(( الأماكن الترفيهية ))
- نادي جزيرة الورد. (شارع المشاية السفلية)
- النادى الإجتماعى بستاد المنصورة.(أمام سجن المنصورة، بشارع عبد السلام هارف)
- نادي الحوار.(المشاية السفلية، بجوار مسجد السلاب)
- نادي النيل.
- حديقة جزيرة الورد.(شجرة الدر حاليا، المشاية السفلية)
- حديقة الطفل.
- حديقة حيوان مقامة على مساحة 12,257 م2 (بحي توريل)
- كورنيش النيل.
- حديقة صباح الخير يا مصر.
- قصر ثقافة المنصورة.
  - (( مشاهير من المنصورة ))
    - الشيخ محمد متولي الشعراوي
    - الشيخ جاد الحق علي جاد الحق.
    - محمد غنيم رائد زراعة الكلى في مصر والعالم.
    - أم كلثوم اشهر مطربة في العالم العربى.
    - على محمود طه الشاعر الشهير.
    - أنيس منصور
    - أبو التعليم علي مبارك
    - استاذ الجيل أحمد لطفي السيد
    - الشاعر كامل الشناوي
    - الشاعر مأمون الشناوي
    - الممثل عادل إمام
    - الممثلة فاتن حمامة
    - المستشار عبد القادر عودة
    - المهندس إبراهيم شكري
    - الأستاذ أحمد حسين ( مصر الفتاة )
    - الأستاذ عادل حسين .
ودى صورة النيل بالليل

ودى محافظة الدقهلية

!!.. عروس ( المنصــورة ) الدلتا ..!! Mansura11

وده نيل المنصورة

!!.. عروس ( المنصــورة ) الدلتا ..!! Nilepanoram

وده تقاطع شارع الجيش مع شارع عبدالسلام عارف المؤدى للمجزر وشارع الترعه والمرور( وحمام السباحه اللى موجود ده هو حمام السباحه بتاع استاد المنصوره وشايفين كمان مدرجات الاستاد)

!!.. عروس ( المنصــورة ) الدلتا ..!! Mansura4

!!.. عروس ( المنصــورة ) الدلتا ..!! Mansura4

ودى جامعة المنصورة وشوية حدائق فيها وبعض الكليات

!!.. عروس ( المنصــورة ) الدلتا ..!! Spr_017_l

!!.. عروس ( المنصــورة ) الدلتا ..!! Enter-002

وده مجمع التنس فى القرية الاولمبية ( يا سيدى على الرياضية )
!!.. عروس ( المنصــورة ) الدلتا ..!! Spr_030_l

ودى صوره مصغره لدار بن لقمان( انا بحثت على النت عشان الاقى صورة اكبر بس للاسف ملقتش)

!!.. عروس ( المنصــورة ) الدلتا ..!! Dar

وده ميدان ام كلثوم بجد تحفة فعلا

!!.. عروس ( المنصــورة ) الدلتا ..!! Mansura6

ونروح بسرعة على بحيرة المنزلة وجو رومانتيكى مع المراكب الشراعية

!!.. عروس ( المنصــورة ) الدلتا ..!! Imag0226largebb0

!!.. عروس ( المنصــورة ) الدلتا ..!! Imag0219largedj7

يارب الصور تعجبكم والموضوع يعجبكم
!!.. عروس ( المنصــورة ) الدلتا ..!! Thank%20you%202

!!.. عروس ( المنصــورة ) الدلتا ..!! 2821989563852139nx7bv9

اشمعنى انتو مكانكم احلى من الحوامديه
انا روحت مصر انصدمت مش حلوه خالص
يادوب فيها ترعه والناس كلها فرحانه بيها
بلاوكسه على دي منطقه بص يا ميدو احجزلى مكان جمبيكم انا هجي اعيش عندكم
ميرسي ليك ع الموضوع
تقبل مروري

لالالالالالالا انا موش مصدقه اللي انا شايفاه ده هي دي المنصوره هههههههه
لا موش معقوله دي صور تحفه بجد انا حاسه وكأني بشوفها لاول مره ههههههههه
لا وبسم الله ماشاء اله جميله قوي الناس كده هتتغر هههههههههه
لا ولا صور الجامعه ايه جميله جدا وكليتنا منوره فيها
انا بقالي 21 سنه عايشه فيها ومعرفش انها حلوه كده هههههههه

بجد توبيك جناااااااااااااان ياميدو تسلم ايديك ومعلومات وصور رائعه بجد

!!.. عروس ( المنصــورة ) الدلتا ..!! 239132

بجد صور تجنن

عجبتنى اوووى صوره كوبرى طلخا حاسه انه كان احلى زمان
كمان اول مره اشوف بحيره المنزله
الف شكر ياميدوو

التقسيم الاداري للمدينة (البندر)

تنقسم المنصورة إلى العديد من الوحدات المحلية يضمها المجلس المحلي الشعبي لمدينة ومركز المنصورة ومقره ديوان عام المحافظة.
يخص المدينة (البندر) منها عدد اثنين وحدة إدارية محلية لكل منها رئيس وعدد من رؤساء الادارات. هما:

حي شرق المنصورة ويختص بها قسم ثان شرطة المنصورة.
حي غرب المنصورة ويختص بها قسم أول شرطة المنصورة.

وفيما يتعلق بالريف والقرى فتضم العديد من الوحدات المحلية مقسمة إداريا على القرى التابعة لمركز المنصورة.
و من الأحياء والتقسيمات الهامة في المنصوره:

شارع الجلاء
شارع مستشفى الصدر
شارع الخلفاء الراشدين (الترعه)
شارع كلية اداب
حي توريل و سمى نسبة إلى المهندس اليونانى (توريل) الذي قام بتأسيس الحى
حي الجامعة
حي جديلة
حي الحسينية
مدينة السلام
مدينة الزهراء
حى الناصرية
حى الشال
قولنجيل
ميت حدر
كفر البدماص
الحوار
صيام
سندوب
مدينة الفردوس ( مساكن المجزر الالي سابقا)
مجمع المحاكم
البحر الصغير
تقسيم طرطير
تقسيم سامية الجمل
تقسيم سامي الجمل
تقسيم السمنودي
تقسيم 6 أكتوبر
تقسيم بشطمير
تقسيم المرور
منية سندوب

» طفله تشبه عروس البحر
» عروس تدعوكم لمشاهدتها وبالصورر
» أحدث فساتين الأفراح***لاحلي عروس