هل الضحك يخفي حقيقة الحزن ؟؟

الضحك بات قناعا يحاول الجميع إخفاء المستور كما يقال من ورائه.....
لم نعد نرى الضحكة والابتسامة الحقيقية النابعة من قلوبنا أنما أصبحنا نرى مجرد أبتسامات لاطعم ولا لون لها ترتسم عنوة على وجوهنا نخفي من ورائها مشاعر الحزن والاسى واليأس التي نمر بها...

هل أصبح الضحك حقا قناعا نرتديه لمواجهة الاخرين نلبسه كل صباح ونخلعه كل مساء مثقلا بالابتسامات المزيفة ....

ترى هل نحاول خداع أنفسنا أم خداع الآخرين؟؟؟

هل أصبح زماننا الذي نعيشه يفرض علينا التحايل حتى بالابتسامة والضحك؟؟؟

هل تعايشنا مع قناع الضحك... كي لا نشعر الآخرين بمآسينا....أم أنه الحال كي نستطيع التعايش مع الآخرين ويتقبلونا كنوع من المجاملات؟؟

أم أننا أعتدنا هذا القناع حتى تخايل لنا انه جلدة وجهنا ولم نعد نميز ابتسامتنا الحقيقة من تلك المزيفة ؟؟

هل فعلا الناس الأكثر ضحكا هم الأكثر حزنا..؟؟؟

انا برأيي .. أؤمن ببيت شعر لخليفة رسول الله صلى الله عليه وسلم علي رضي الله عنه ..

لا تحسبن رقصاتي بينكم طربا .. فالطير يرقص و هو مذبوح من الالم ..

بصراحه موضوع جميل جدا

وفعلا ممكن الضحك يبقى ستارة علشان نخبى الحزن اللى جوانا

بس فى أوقات بنفرح فيها من قلوبنا فعلا وساعات بننسى الحزن
لكن
بنرجع تانى لاحزانا لما نبقى لووحدنا فى الليل ونقعد مع نفسنا

بس احنا كدا لا بنخدع نفسنا ولا بنخدع الاخرين
لان مطلوب مننا الابتسامه فى كل وجه مش معنى كدا انها متكونش ابتسامه صافيه لا بالعكس بس علشان هما ملهمش ذنب نشيلهم همنا واحزاننا
واكيد فى ناس بيشيلوا عننا همومنا وبيشاركونا فى افرحنا واحزانا وهما دول بس اللى نقدر نفضفضلهم بكل حاجه

بصراحه موضوع جميل جدا ياهموسه
تسلم ايدك ياقمر
وعايزين نعرف رأيك انتى كمان ,....,,,

بجد يا ميدو عجبنى ردكـ اوى
وشرفنى مرورك يا قمر

_____________________
انا من رأيي ان الضحكه فعلا بتخفي الحزن
والضحك بقى قناع بنهرب بيه من حقيقيه الواقعبس لحد امتى..!!
احنا مبنضحكش ع الناس عشان زى ما قولت لازم الابتسامه عشان مش يحسوا بحاجه
ومش نشيلهم همومنا
بس بنضحكـ على نفسنا
لأن لولا الضحك ده كان زمنا انهارنا
الضحك بيخفي الالم من بره
بس من جوه لأ
________________
دايما الابتسامه بتنور وش الانسان وقلبه ولازم ان الانسان يبتسم
عشان الناس ذنبها ايه اننا نشيلهم همومنا كفايه هموم الناس مش ناقصين
اما اانا بالنسبالي
ممكن اضحك واهزر عشان مش احسس حد بحاجه
وده بيبقي قدام الناس بس
لكن لو بقيت لوحدى
فا مفيش مانع انى اشيل القناع ده

_______________________
وكمان فعلا ان الانسان الي بيضحك كتير هو الاكثر تعاسه وحزن
لأن دى دراسه قام بيها واحد من كبار دكاتره ولايه كده مش فاكره اسمها
قريت عنها قبل كدهـ
وده طبعا بعد اكثر من تطبيق
_______________________
ف الاخر اقول مفيش اجمل من ابتسامه بسيطه
ممكن يكون الشخص ال قدامك بيتألم وانت تشفيه بأبتسامه منك
________________________
مره تانى نورت التوبيك برأيك يا ريس

موضوعك جميل اوى وصح اوى كتير منا بيضحك ويبتسم معظم الوقت عشان يتجنب دموع فعينه طول الوقت

» اللي وحشه الضحك يجي
» نكته حلوه "بتفطس من الضحك
» امراض يشفيها الضحك يلا اضحكو بمزاج بقي
» الى متى هذا الحزن
» قمه الحزن