بالله عليكوا هو فى كده

هو:
انا ها اطلب بيتزا .. عايزة حاجه؟"



هي:
"لا."



هو:
"اوكي."



هي:
"و لا اقولك ..؟"



هو:
"ها ..عايزة اطلب لك كمان؟"



هي:
"مش عارفة."



هو:
"مش عارفة تبقي عايزة حاجه؟"



هي:
"لا."



هو:
"انتي جعانة؟"



هي:
"يعني .."



هو:
" يعني ايه يعني...؟"



هي:
"يعني معناها مش متأكدة اذا كنت جعانه او لا."



هو:
"الواحد لما يكون جعان بيعرف"



هي:
"مهو يمكن اجوع بعدين"



هو:
"يعني اطلب لك بيتزا."



هي:
"طيب و اذا ما كنتش جعانه وقتها..؟"



هو:
"متكليش"



هي:
"بس ده تبذير"



هو:
"طيب .. كليها بكرة."



هي:
"و اذا ما كانش ليا نفس آكل بيتزا بكرة؟"



هو:
"دي مفيهاش نفس .. الواحد بيقدر ياكل البيتزا كل يوم "



هي:
"انا لا .. مش باكل بيتزا الا لما يكون عندي نفس للبيتزا."



هو:
"طيب اطلبلك حاجه تانيه"



هي:
"بس انا مش عايزة حاجه تانيه"



هو:
"يعني عايزة بيتزا"



هي:
"لا."



هو:
"يعني مش عايزة حاجه "



هي:
"لا عايزة "



هو:
"جننتي عايزة ايه ؟؟"



هي:
"اطلب لنفسك .."



هو:
"اخيرا .. ماشي.."



هي:
"بس اطلب بيتزا بالتونا"



هو:
"بس انا مش بحب التونا.."



هي:
"بس انا بحبها."



هو:
"هو انا هاطلب لنفسي ولا ليكي ...؟!"



هي:
"ليك طبعا "



هو:
"طيب و ليه بالتونا...؟"



هي:
"يمكن اجوع لما يوصل الاكل"



هو:
"يعني ايه ؟"


هي:
"يا سلام يعني اكل حاجه مش عجباني...؟ "



هو:
"ليه هو انت عايزة تاكلي ؟"



هي:
"ليه لاء ؟"



هو:
" يا مثبت العقل و الدين .. يعني انا لازم اطلب بيتزا ليا عشان انتي تاكليها لو كنتي جعانه ؟؟"



هي:
"بالضبط."



هو:
"و انا اكل ايه ؟"



هي:
"مهو يمكن انا مكنش جعانه..."



ملاحظة: محكمة الجنايات قررت الافراج عن الشاب المتهم بتهمة "قتل البنت مع سبق الاصرار و الترصد" و تحويل القضية الى "قتل البنت دفاعا عن النفس"...

وان لله وان اليه لراجعون

هههههههههههههه
بجد جامده جداااااااااااااااااااااااااااااااااااااااااااااااااا
بدل ماتقله مادام انت كلت يبقى انا كانى اكلت (زى الافلام يعنى)
بصاله فى اكله قبل ماييجى
سبحان الله
تسلمى يا منوووووووووووووووووووووووووووووووووووووووووووون
ووحشتينــــــــــــــــــــــــــــــــــــــــــــــــــــــــــــــــــــــــى بجــــــــــــــد يا منـــــــة :face:

هو فعلا عنده حق انه يقتلها دى تجيب الضغط والسكر

ههههههههههههههههههههههههههههه

توبيك هايل يا منه