كلام ابليس على باب السفارة

لمحت ابليس وف ايده استمارة على باب سفارة كندا ..




بقول له على فين.. قاللي بص يا عم .. يا هجره يا
اعاره..



يا عم زهقت.. كفرت .. الاقيش معاك
سيجاره..



انا انتهيت خلاص .. لا نافع وسواس ولا خناس .. ولا ليا عيش
وسط الناس.



دي عالم مجرمين... بلاقي عندكوا البهدلة
والفساد..



انتو مش محتاجين شياطين ... انا مليش عيش ف دي البلاد
.



بقالي سنين كتيرة عاطل .



لأنكوا بتعرفوا تقلبوا
الحق باطل..



و تسلكوا القاتل .....



ومفيش
مشاكل..



يا عم ده انا بقيت أوسوس بالمقلوب..



و أقول
للحرامي .. كفايه بقى .. توووووب..



انت ايه . لوحدك هاتعمل كل
الذنوب..



أشتغل واعظ و أنا ابليس .. ولا كمساري ف
اتوبيس..



يا عم ده انا زمان كنت استنى حد ينسى يسمي وهو بياكل
لقمته..



دلوقتي كل اكلكم ملوث .. و بصراحه الواحد خايف على
صحته..



ده مفيش ضمير اساساً عشان اموته..



و كل واحد
بمزاجه .. خربانه ذمته..



يا عم ده كل حاجه
اتسرقت..



وكده الاجيال الجديده الحراميه اتظلمت..



يا
راجل ده من كتر ما لطشت معايا..



خرجت ف مظاهره مع الناس اللي !
بتقول كفايه..

هههههههههههههه


جميل اوي يا كورلونيا

اسمك دا مصيبه


بس التوبك ظريف منحرمش يا قمر

والله العظيم اسمى منة
ما علينا
تسلم على مرورك الأظرف نورت الموضوع

منه... كدا تمام... تسلمي يا منه (( كدا اسهل بكتير ))

طب آخر سؤال ,,, ازا مكنش بزعلك هو ايه مدينة (( في بيتنا )) محافظة ابه يعني؟!!!!

هههههههههههه
ميرسى يا احلى سما دايما زى العثل (أمال انا بحبك ليه )
اسمى كورنليا مش صعب اوى يعنى

موضوع هايل يا منة