لا يا شحاته ... إحنا نتغلب أأأأأه إنما نتبهدل لأأأأأأأأأأأأأأايه يا جماعه اللي حصلنا امبارح ده ؟؟؟
احنا مش اتغلبنا .. ده احنا اتسحلنا
... اتبهدلنا
.. اتروقنا
... علي راي أحمد حلمي ترويقة العمر يا شيخ ....
فريق بدي من أول ما عرفنا الناس المتجمعه فيه حسينا بقلق .
.. ولما شفنا التشكيله كله ابتدي يقلق ...
شوية أسئله دارت في بالي ...
ليه مصمم علي محمد شوقي وهو مش بيلعب اساسا في فريقه في انجلترا ؟؟
ليه استدعي عمرو زكي وهو مابيلعبش زي ميدو ؟؟
وليه ما استدعاش ميدو
وان كان هو فورمه أعلي من زكي اليومين دول ؟؟؟؟
ليه مامعهوش مهاجم صريح احتياطي بديلا لعمرو زكي
؟؟؟
كل الموجودين مش مهجمين صرحاء اذا كان زيزو ولا عيد عبد الملك ؟؟
ليه ما نبصش لوسط الملعب بصه معتدله
ونحاول نطعم بشباب بقه ؟ولا ناس بتلعب اساسيه في فرقها؟؟؟
ليه مافيش ونج شغال لا يمين ولا شمال ؟؟؟
ليه ماخدش معاه شيرين عشان تغني لهم ما شربتش من نيلها ؟؟؟ مش عارف والله ايه اللي كان بيحصل امبارح ده ؟؟
ولا ايه الخطه اللي كنا بنلعب بيها ؟؟؟
كنا بنهاجم ولا بندافع ولا ايه بالظبط ؟؟؟
ولا الحضري
؟؟؟ كان ايه لزمته امبارح
؟؟ ما كان خرجه ونزل مكانه مهاجم .. ماهو كده كده ماكانش له لازمه امبارح
... لا بيطلع ولا بيوجه ولا بيمسك
... من أول كوره اتشاطت عليه وانا قلت لهم القلق النهارده من الحضري باين عليه انه مهزوز ...
عمرو زكي ده اتقال اسمه مرتين
.. مره لما خد انذار ومره وهو بيتغير !!!! كان باين من اول الماتش انه وحش ليه يسيبه لحد ما تخرب ؟؟؟
شوقي سيء للغايه ليه بمجرد ما دخل فيك جون والتاني ماتطلعوش وتنزل حمص
وتغامر ...
ليه احمد حسن يستني لحد خراب ملطا ؟؟؟
المجمل ان امبارح كان في سمك لبن تمر هندي ..
. لا شكل ولا خطه ولا لاعيبه ولا اي شيء ...
الهزيمه احنا متعودين عليها ..او بمعني ادق الزملكاويه متعودين عليها
" باهزر طبعا "
متعودين اننا نتغلب ...
وكمان متعودين اننا مانصعدش لكاس العالم
ومتعودين ان انت اخرك هو افريقيا .
.
نتغلب اه .. ما نصعدش أه
.. انما نتبهدل لاااااااااااااااااااااا
كله الا كده يا ابو كريم ....
ولا انتوا ايه رايكم يا شباب ؟؟؟
كلمه كان قالها المدير الفني بتاع الجزائر .. قالك ان
المنتخب المصري هانقبله وهو في اسوأ حالاته لان الاهلي مستواه في النازل فده فرصتنا في الفوز لان المتخب المصري اقرب ما يكون انه متهالك ...
و كمان عصام عبده امبارح قال سؤال مهم حابب اخد رايكم فيه ؟؟ ان هل الاهلي هو السبب في زياده او نقصان مستوي المنتخب المصري ؟؟؟
منتظنكم
اقصد منتظركم ...
ميدوووو