هل وجدت فعلا في حياتك من يفهمك

هل يوجد في الحياه من يشعر بأحاسيسك

يفهمك في كل أحوالك ،، يحس بكل ماتحس فيه

يتفهمك ويتفهم كلماتك وأسلوبك على حقيقتها وبصدقها

دون ان يفهمها ويأخذها بالظن السيئ ،،،،
**

هل صادفت وقابلت الشخص الذي يفهمك دون أن تتكلم

يترجم أحاسيسك ومشاعرك إلى كلمات ليعرف مابك وماذا تريد ..
**

يقدر ظروفك عندما تمر بمنحنيات صعبه في الحياه

وتشعر بأنك في حاله غير مستقره فيقف جنبك

بإحساسه الصادق

ومشاعره النبيله

يشاطرك أحزانك ،، و أفراحك

يسعى لينزع ويزيل عنك الدمعه

حتى لو تطلب الأمر أن يأخذها عنك

يزرع على شفاتك البسمه

يتجاوب معك دون أن تتكلم

أو تطلب منه ،،،

ياله من شعور رائع

وإحساس جميل

لو وجدت مثل هذا الشخص

فستشعر معه بطعم الحياه وجمالها

كنز ثمين دائماً مانبحث عنه

ونتمنى ان نجده ،، ونحتاج ان يكون بجانبنا دوماً
فنظل

نبحث

ونبحث

ونبحث

ونبحث

فقد نجده ،، وقد لا نجده

:،،: فتساؤلي لكم :،،:

هل وجدت هذا الشخص وشعرت معه بهذه المشاعر؟؟

موضوع جميل جدا يامادو
وانا لقيت الشخص دة فعلا
وهو حبيبى

انا الحمدالله من اتولدت وانا عندي الي تفهمنى
واكيد حبيبي بيفهمنى يعنى الحمدالله حسيت ان الي بيفهمنى كتير
ميرسي ليك ع الموضوع ده وتقبل مروري

انا برضه ربنا يحمى أحمد اخويا توأم روحى
لأنه هو الوحيد اللى بيفهمنى بسرعه
و اللى علطول كل أسرارنا مع بعض حتى أدقها

نيس توبيك

فعلا حلو اوي لما يكون في حد فحياتك يفهمك من عنيك

ممكن يقري كل الكلام الللي فيهم

ربنا يخليه ليا

توبيك مميز جدا يا مادو
وفعلا احلى حاجه انى تلاقى حد يفهمك
انا عندى افهم الناس
ولحد دلوقتى ملقتش حد يفهمنى
مشكلة
ميرسى يا مادو
ومنورة يا ميشو

منورين كلكم يا أحلى أعضاااااااااااء
دينااااااا انتى ونورمينا ربنا يوفقكم ...........موحا ربنا يخلييك أخوك أحمد
ميشو ربنا يوفقك ونسمع عنك كل خير وما عنديش تغيبى عن المنتدى
ميدوووو انت الوحيد اللى مش لاقى حد يفهمك بس ما تقلقشى
طالع لأخوووك مــــــااااااادو يعنى ان احنا اللى اتظلمنا كلهم عندهم اللى يفهمهم
ربنا يوفقنى ، والأقى الأنسان أو الأنسانة اللى تفهمنى
وميرسى كتير لمروركم ، ومشاركتكم

اكيد احساس جميل يا مادو
بس اصعب احساس انك متلاقيهوش
والاصعب انك تفتكر انك لقيته ويطلع مجرد بيتسلي بمشاعرك
يعمل نفسه بيقف جنبك وبيشاركك كل حاجه
وفى الاخر يطلع واحد منافق مبيحبش غير نفسه
انا بصراحه لحد دلوقتى ملقتوش
ومش ناويه ادور عليه
عشان كل مره بقول لقيته بتجرح ف الاخر ملهاش لزمه
حتى مش لاقيه الحد ده فى اصحابي عشان مش لاقيه اصحاب بجد
نايس توبيك يا جميل
ومتحرمناش مواضيعك الجامده يا باشا

ميرسى يا سماااااا على ردك وتعليقك الجميل ....فعلا بتكون حاجة صعبة انك مش تلاقى
الانسان او الانسانة اللى تفهمك
وبيكون فعلا أصعب لما بتحسى انك لاقتيه ويطلع فى الاخر مش موجود
جربت الأحساس ده كتير زيك يا سما
وعلى فكرة اغلبية الاصحاب كده تلقيهم مصلحة فقط لا غير
وميرسى لمرورك يا سمااااااااا

موضوع جميل جميل جميل جدا
والله موضيعك حلو ومميزة
تسلم ايدك يامادو

تسلمى يا جنة على مرورك ...بس ما قولتيش لقيت فعلا حد يفهمك

انا بقى اكتشفت انى لسة ملقتهوش فعلا

أول واحدة ردت وقالت لقيته ، وبعدين قالت لا
ربنا يوفقك وتلاقى الأنسان / الأنسانة اللى تفهمك ، وميرسى للاهتمام والمرور

مفيش حاجة بتفضل على حالها يااحمد

ميرسى لمرورك مرة تانية يا دينا، ولسه باقى الأعضااااااااااء

انا بقى لسة ملقتهوش فعلا بس انا مامتى بتقدر تفهمنى اكتر من اى حد

:pale:

موضوع جااااااامد يا صاحبى

اما بالنسبة لى سواء كنت لقيته قبل كدا او لا
او سواء فى حياتى حد يفهمنى دلوقتى ولا لا
الاهم من كدا انى الاقى انسانه تفهمنى صح مش دلوقتى بس
لا طول العمر لانها باختصار هتبقى شريكة العمر فلازم تفهمنى اوى وصح
وبكدا نقدر نقول وبكل ثقة لقيت اللى يفهمنى

وان شاء الله كل واحد يلاقى اللى يفهمة مش بس من كلامة لا من نظرة عينه كمان

يسلموووو ع الموضوع الحلو

تقبل مرورى

بجد توبيك هاااااااااااااااااااايل يا مااااااااادو
انا عن نفسى لقيتة حبيبى بصراحة هو بيفهمنى حتى من نظرت عينى
عمرى ما انتخيلت انى اقابل حد كدة يفهمنى ويحبنى واحس معاة بالامان
ويحسسنى بالحنان بجد انا بحبة اوى ربنا يخلهولى
ونفضل كدة طوووووووووووووول العمر
وبصراحة قبل مقابل حمادة عندى بردة صحبتى الانتيم
بردة كنت بفهمها من غير متتكلم وبحس بيها
وهى كمان كانت بتفهمنى وبتحس بيا
والحمد لله احنا لسة بردة مع بعض
وبقول لدينا ولكل اللى قال انة لسة ملقهوش
بجد متستعجلوش اكيد بكرة هتلقوة ربنا يسعدكم
مرسى على التوبيك الجامد دة يا ماااااااااادو

انا بقى الله اعلم صراحة
معتقدش انى لقيته
مش عارفة يمكن

بس ماما بتفهمنى اوى وتعتبر صاحبتى الوحيده
ودايما بتحللى كل مشاكلى
ربنا يخليهالى يارب

بس الموضوع جامد يا مادو
تسلم ايدك

» هل وجدت في الحياه من يفهمك
» هل فعلا احنا جيل فاشل ؟؟؟؟
» اغرب خمسه اساله, شئ غريب فعلا
» فعلا الرجاله مش عارفين هم عاوزين ايه ..الراجل ده هيجنني
» ده الي اسمه حب فعلا مش الي بيعمله الشباب اليومين دول, ادخل وشوف الحب على اصوله وفي ابسط ص