رساله لكل خريج فى السنوات النهائيه من تعليمه

الى كل خريج ..... الى كل خريجه
لو عايز تعيش بعد التخرج و مش عاوز حد يحطك فى دماغه
يبقى جينا لأهك نقطه

خمس كلمات عليك أن تنساها عند بدء حياتك العملية .. !

--------------------------------------------------------------------------------

قاموس حياتك اليومية يجب أن تحذف منه 5 كلمات عادية جدا تهدد مستقبلك الوظيفي في بداية حياتك العملية، فهذه الكلمات الخمس يمكن أن تقولها وأنت رئيس قسم أو مدير أو عندك واسطة، ولكن إذا كنت في بداية حياتك المهنية وخالى من الألقاب والمسميات وشهادات الخبرة فتأكد أن هذه الكلمات إذا قلتها فلن تعمر قي وظيفتك.

اشمعنى

لا تقل اشمعنى مطلقا لمديرك، حتى لو كنت بالفعل مظلوما، فإذا قلتها له وكنت بالفعل مظلوما وهناك شخص آخر حصل على حقوق وأنت لم تحصل عليها، فإن المدير سيفهم أنك متمرد وتتهمه بالظلم وتعتبره متعسفا في قراراته، ولذلك ستفتح على نفسك فتحة ملهاش أول من آخر رغم أنك لم تقصد أي شيء سوى المطالبة بحقوقك التي حصل عليها الزملاء.

أنا

"أنت لم تصبح بني آدم بعد ولا تعتبر أن السنة إللي انت اشتغلتها عملت منك حاجة" مش أنا طبعا يا عزيزي القارئ الذي اقول هذا الكلام حاشا لله، ولكن مديرك هو الذي يقوله لك أو على الأقل في سره، فهذه هي قناعته ولا يعتبرك مطلقا قد كبرت واصبح لك رأياً ومن حقك أن تقول "أنا"، فالمدير يتعامل معك مثل والدك أو والدتك أي ينظر إليك دائما على أساس أنك عيل صغير لم تنضج مثله بعد، وأنه يعرف مصلحتك أكثر منك، وانك مهما كبرت هتفضل صغير في نظره، وأنه لا يمكنك الاعتماد على نفسك بل هو الذي يقود كل أمورك، وما إلى ذلك من جمل يرددها الاباء - والمديرين - أو يقتنعون بها في داخلهم.

وليس هذا فحسب عزيزي القارئ، بل أن المدير يندمج أكثر في مود الأب ويعتبر أنك حين تقول له "أف" فإن هذه معصية، رغم أنها لا معصية ولا يحزنون، فهو مدير وعلاقتك به معرضة لتنشنة الشغل واختلاف في وجهات النظر، بلاش ياسيدي كل الفلسفة الفارغة دي، انا موافق إن المدير يعاملني زي ابويا ويعتبرني عيل ومعرفش اعتمد على نفسي ويسميني سوسو لكن في نفس الوقت يديني حقي ويحققلي المساواة وميزعلش مني لما اقوله جملة ابدأها بكلمة "أنا شايف إن .... " أو "أنا اعتقد " فلماذا لا يحترم المدير كلمة "أنا" ويعتبرها تجاوزا وعجرفة وغرور! مش مهم السبب المهم متقولهاش وخلاص.

وجهة نظري

"وجهة نظر إيه يا ابو وجهة نظر، انت هتفتكر نفسك ليك شخصية وصاحب رأي، فيه حاجات كتير أمثالك ميعرفوهاش وعشان كدة مينفعش تحط وجهة نظرك ومعلوماتك ناقصة" هذه هي وجهة نظر المدير المصري لأي موظف يتجرأ ويعمل فيها فلحوصة ويقول لمديره في إحدى المناقشات "انا وجهة نظري إننا نعمل ......" فالمدير لا يعترف بصحة وجهة نظر شخص غيره، اللهم إذا كانت وجهة نظر هذا الشخص الآخر تمدح في سياساته وقراراته وتفوقه على اقرانه المديرين فهنا فقط سوف يستمع إلى وجهة النظر الأخرى.

أنا قريت

"هتتنك مثلا وتقعد تعملي فيها مثقف وانك قريت مشعارف إيه وقريت هبل إيه، هتعملي فيها بتفهم وانت اساسا آخرك بتقرا الوسيط، يعني إيه "انت قريت" مبنقراش احنا مثلا ولا إيه؟ بتتهمنا بالجهل حضرتك؟ معلومات فخامتك احسن من معلوماتنا" واضح من الجملة السابقة أنها موجهة من مدير إلى موظف مبتدئ حيث تثور هذه الجملة في ذهنة بمجرد أن تقول له أنت "أنا قريت إن ......" فلا يوجد سبب منطقي يفسر غضب المديرين من هذه الجملة واعتبارها من جمل العجرفة والتناكة والتميز والتي لا تليق بفلاح خسيس أدب يوك أخلاق يوك احترام يوك، صحيح إزاي تتنك على مديرك وهو يعاملك باعتبار انك عثمانة وشغال عند أمه في السرايا.

المفروض

كدة بقى عزيزي القارئ انت عايز تقطع عيشك بإيدك، فهذه الكلمة هي الكلمة المرادفة لاستمارة 6 ، بقى حد ياراجل يقول لمديره "المفروض" مفروض على مين ان شاء الله؟ عليه مثلا؟ لأ طبعا أنصاف الالهة أمثاله لا تفرض عليهم "فروض"، هل مثلا أنت تقصد "مفروض إن الشغل يحصل فيه كذا وكذا"؟ لأ طبعا مش إللي زيك هو إللي يحدد الشغل مفروض يمشي ازاي، وحتى إذا كنت تتكلم في بديهيات ومسلمات فليس أنت الذي من حقه أن يتكلم في هذه البديهيات، ومن قال لك اساسا أنها بديهيات، فالبديهيات المهنية التي يمارسها الجميع يمكن أن يكسرها مديرك مخصوص كي يثبت لك أنه صاحب رؤية ولا يخضع للأشياء التي يسير عليها الآخرون.

برجاء لا تقل "المفروض" فهذه الكلمة تعفرت أي حد، وربما يقول لك "يعني إيه المفروض؟ ومين قال لسعادتك ان ده مفروض؟ محسسنا إنك الوحيد إللي بتفهم واننا عايشين في مدينة البط"

توبيك جميل moha salama
بس كدا الواحد مش هيبقى ليه راى فى حاجه خالص
انا عارفه ان الواحد لازم يتعب شويه فى الاول علشان يوصل بس ربنا يسهل بقى
عموما احنا لسه علينا شويه وربنا يستر

ميرسى ع التوبيك

شكرا Dream على مرورك
اللى بجد شرفنى
اما موضوع ان يكون لنا رأى
فانا أفتكر ان الموضوع ده صعب
يعنى احنا لما بندخل مكتب و يكون فيه موظف كبير فى السن
الواحد بيتخنق من اللى بيشوفه
بحس انه بيكلم راجل محنك يكلم الواحد كده من طرف مناخيره و يبقى الواحد نفسه يخنقه
بس لازم يسكت علشان يمشى المصلحه اللى هوا رايحها

و مره تانيه ميرسى على مرورك يا جميل

ميرسي ليك ع التوبيك
بس لازم يكون ليا راي وشخصيه عشان اثبت وجودي
مش هفصل مطيعه لاخر عمري عشان خايفه على الشغل
مبحبش احس بالذل وميرسي ليك يا موحا
موضوع جامد وتقبل مروري

بداية اهنيك على موضوعك الجامد دا يا موحا

اما بالنسبه لكلامك فمعلش يعنى انا مكش هبقى زى البتاع كدا يودينى زى ماهو عايز
انا عارف ان الواحد لما يبقى لسه متخرج يبقى بالنسبه لناس كتير صغير وميعرفش حاجه بس مش معنى كدا ان الغى شخصيتى خالص
وعلشان كدا ولمعظم الاسباب دى انا ناوى ان شاء الله الواحد يبقى ليه شغله الخاص ولا رئيس ولا مرؤس علشان مش ناقصين واحد يخنقنا هقوم امسك فيه على طوووول
بس دى وجهات نظر بقى وكمان اختلاف شخصيات وبلا منه الشغل اللى هيجيب الذل للواحد ده

تسلم يا صاحبى ع التوبيك
جااااااااامد

MEoOo تسلم على المرور يا صاحبى

بس مش شرط انك تشتغل فى الوظيفه دى
ناتا ممكن تحتك باى موظف فى أى هيئة حكوميه
و لازم تاخد بالك من الكلام ده برضه

و لا انتا نسيت موظفين الشئون بتوعنا فى الكليه
رساله لكل خريج فى السنوات النهائيه من تعليمه 483371

رساله لكل خريج فى السنوات النهائيه من تعليمه 483371

و مره تانيه مرورك شرف موضوعى

» رساله رعبتني امبارح
» رساله الي حبيبتي
» رساله حب ابكتني
» رساله عاشق
» رساله الى المنتدى واعضاء المنتدى