اب يتحدث مع ابنه بعد 50 سنه من دلوقتى !!!

يابنى انتوا زمانكوا ده ما يعلم بيه الا ربنا

فييييييييييييييييييييييييييييين

ايام زمان

كان جدك شادى يدينى العشرة جنيه و انا رايح الجامعة كنت اركب بيها و اجيبلى كنزاية و سندوتش برجر و يفيض معايا كمان مش زمانكم المهبب ده

و كان الواحد مننا يقدر كده يدخل بيتهم بعد الساعه 5 ص كان من الساعة 4ص يكون الباب مفقول و لو جدع تتاخر بقلى يا حلو

و كان الواحد فينا يقدر يعلى حسه على امه و لا يمد ايده على ابوه الا لما هو يبتدى كان فى حاجة اسمها احترام و ادب يا استاذ

و مش عارف انا ايه التقاليع الفارغة اللي طلعينلى فيها الشباب بتوع اليومين دول كان على ايامينا يابنى يدوبك الشاب مننا يلبس البادى الكات و يسقط البنطلون و يوقف شعره و خلاص سبايكى يعنى او لو كان البنطلون اليوزد المقطع و البادي ابو ترتر امال ايه يا استاذ كان فى حاجة اسمها ادب و احترام فى اللبس ...

و لا التعليم الى باظ على ايامكم دي يا بنى على ايامنا كنا ناخد الدروس فى كل المواد و شكرا على كده و المذاكرة كان اسمها مذاكرة تقعد بالنص ساعة و الساعة الكاملة كل يوم عالكتاب ما تتحركش و كان اسمها وزارة التربية و التعليم و كان فعلا فى شويه تربية و شوية تعليم مش جيلكم البايظ ....

ومكانش فى حاجة اسمها تقعد فى البيت ده يبقى يوم اسود لو ابوك شافك فاعد فى البيت ده امال ايه يا فندى معندناش رجالة تقعد فى البيت و كنا نرجع البيت مفيش وسائل الترفيه بتوع اليومين دول يدوبك على اد الدش و الكمبيوتر و البلاي ستيشن والموبايل ابو كمارتين علشان الواحد يكلم البت ماهيتاب براحته وبس على كده مش جيلكم

و تقعد بقى كده تطسلطن على اغانى الطرب بتاعت زمان الست هيفا و كوكب الغرب روبى و لا العظيمة دانا ولا العندليب الاخضر الاستاذ سعد الظغنطط ولا الباشا تامر حسني طرب من الى ينضفلك ودانك مش الكلام الفارغ بتاعكم ده

و السنة يا بنى كانت على ايامنا 365 يوم بلياليهم مش عارف انا ايه الى حصل و كانت الحاجة رخيصة كده وفيها بركة يابنى ديه وجبة كنتاكى ديه كنت بجبها بعشرين جنيه و ايه اكل اسمه اكل و لا سندوتش التقاطيع الى كان بجوز جنيهات من عند سيد تلوث غلى هو كمان ما شفتوش انتوا يابنى الخير الى كان على ايامنا

ربنا يسترها علينا وعلى ايامنا الجايه
ههههههههههههههه

و تقعد بقى كده تطسلطن على اغانى الطرب بتاعت زمان الست هيفا و كوكب الغرب روبى و لا العظيمة دانا ولا العندليب الاخضر الاستاذ سعد الظغنطط ولا الباشا تامر حسني طرب من الى ينضفلك ودانك مش الكلام الفارغ بتاعكم ده

هههههههههههههههههههههه ياسلام ع السلطنه ... مش زى ناس بقى بتسمع اغانىمن قديم الازل هههههههههه :oops:
توبيك جامد فعلا ربنا يستر علينا لما كدا على زماننا اومال بعد كدا هيبقى ايه ؟ 8) :|

على ايامينا يابنى يدوبك الشاب مننا يلبس البادى الكات و يسقط البنطلون و يوقف شعره و خلاص سبايكى يعنى او لو كان البنطلون اليوزد المقطع و البادي ابو ترتر

ههههههههههههههههههههههههههه اومال هيلبسوا منغير هدوم ولا ايه فى ايه يعني بعد التسقيط ولا المقطع

هههههههههه

هى ايام السنه كمان هتتغير
فعلا ربنا يستر محدش عارف هيحصل ايه بعد كل ده

هههههههههههه
الله الله عليكي يايوجين بجد موضوع في الجون :_
لما فعلا بيحصل كده الايام دي ياعالم ايه اللي هيحصل بعد كده جايز الله اعلم تتقلب الصوره بس ما اظنش8)
بجد تسلم ايديكي يايوجين

:_

» أب يحترم ابنه أخر احترام
» عندما يتحدث الدمع