يا ابنــى انـــت لسة بدرى عليــك اوووووى.. اسالنى انا..

يا ابنى انت لسة بدرى عليك اوى.. اسالنى انا "

" يعنى بلاش اجرب "

" اة انا عندى خبرة اكتر منك..وياما عدى عليا ناس وشوفت كتير فى الدنيا دى..انت لسة جديد ابن امبارح
واللى يعيش ياما يشوف وانا شوفت كتييييير "
................

اكيد دة الكلام اللى كلنا بنسمعه ودى المقوله اللى دايما بتتداول فى كل بيت سواء بين الابن ووالده او البنت ووالدتها او حتى بينك وبين اى حد اكبر منك؟؟

اكيد مقوله انت لسة صغير او انتى لسة صغيرة واسالينى انا انا جربت كتير وشوفت كتير دايما بنسمعها ودايما لما بتاخد راى احد حد فى مشكلة تخصك بيقول الكلام دة وبيكون عايزك تنفذ اللى هو شايفه من وجهه نظرة انه صح ومش عايزك تجرب بنفسك...

اكيد الكلام دة مش بيكون بغرض التحكم وخلاص بيكون هدفة هو انك توصل للطريق والاختيار الصح ولكن باقصر الطرق وباقل الخساير..

ل كن احنا طبعا مش بنحسبها كدة ابدا ومش بنقبل كلام ولا نصح من اى حد وبنحب اننا نجرب حتى لو كان محكوم على التجربة بالفشل وبنحب نشوف بنفسنا ونتاكد ودايما ماشيين وراء مقولة الممنوع مرغوب ولازم تاخد قرارك بنفسك ومتسمعش كلام حد..
ما كلنا بنعمل كدة وانا اولكم بس يعنى مش على طول

يمكن ساعات كتير بنكون فعلا غلط وكلامهم بيكون صح بس برضه دة مش شرط ومش على طول لان الزمن اتغير والناس اتغيرت وحاجات كتير اوى حولينا اتغيرت ومبقاش ينفع اننا نتعامل معاها زى ما كانوا بيتعاملوا معاها زمان يعنى زى ما بيقولوا بالبلدى لكل وقت اذان ولو احنا فعلا ولاد امبارح بس هنقدر نتعامل مع بكرة علشان هو لسة يوم جديد زى ما احنا لسة جداد فى الدنيا ومش معنى كدة اننا بنقلل من تجارب وخبرات الناس السابقة اللى بنكن لهم كل حب واحترام وتقدير واكيد دايما هنلجأ ليهم لما الامور تتعقد ونكون محتاجين مساعدتهم ماهما برضه الخير والبركة

.........

المهم يعنى يا شباب وبعد الرغى الكتير دة انا عارفة انكوا

اتخنقتوا منى وعايزين تقولوا انت عايز ايه بقى ؟؟؟

باختصار

سؤالى هو

الحياة خبرة أم تجربة..؟

انت من مؤيدى فكرة التعلم من اخطاء الغير ولا تحب

تخوض التجربة بنفسك؟ وليه..؟

تجااااااااااااااارب نكتسب منها خبرات

لازم من التجربه... والا عمر الانسان ما هيتعلم

ولازم تكون عندنا روح المجازفه...المحسوب عواقبها

مرسي ليكــ مره تانيه يا ميدو

انا اؤيد فكرة ان الحياه تجربه والسؤال التانى انا عن نفسى فى حياتى كلها بتعلم من تجارب الاخرين جداااااااااااااا