احترم نفسك لو سمحت

تحت عنوان احترم نفسك .. لسة فيكي رجالة يا مصر
نظمت مجلة "كلمتنا" الشبابية حملة تهدف إلى التصدي لظاهرة
المضايقات والمعاكسات اللى بنشوفها كل يوم واللى انتشرت بصورة كبيرة مؤخراً فى شوارع و محافظات مصر
وكتير منا مش بيتصرف تصرف سليم سواء ولد او بنت.
تضم الحملة 1000 شاب وفتاة وتهدف إلى التوعية بالدرجة الأولي من أجل السيطرة على المعاكسات والمضايقات التي تتعرض لها الفتيات بصورة شبه يومية في الشارع والمواصلات العامة ،
وتفعيل دور الرجال للدفاع عن أي امرأة تتعرض للانتهاك

الحمله دي بتقولك
قول
احترم نفسك
لكل واحد بيتعدي على حرية الاخرين
لكل واحد شايف نفسه على البنات
لكل واحد بيضايق بنت في الشارع... بكلمة..بنظرة
المهم ان خلاص بقى مش هنسكت
عشان لسه فيكي رجالة يامصر

فى استفتاء اتعمل بين الشباب عن رد فعلهم ايه لو شافو ولد بيعاكس بنت

14 % منهم قال ماليش دعوة

34 % قال هتدخل لكن بشرط تكون محترمة !

20 % قال لو شكلها مش محترم هعاكس معاهم

يا تري النتايج دي تطمن ؟ ؟؟؟؟؟؟؟؟؟؟
.
.
.

و هدف الحمله دى
عايزين البنات تتعلم إزاي تتصرف لو حد ضايقها في الشارع

نفكر كلنا في طرق مبتكرة تحمي بيها البنت نفسها

عايزين الولاد يعرفوا قد إيه الحكاية دي مؤذية لكل بنت

نرجع تاني نخوة ولاد البلد لما كان واحد يشوف بنت بتتعاكس

عايزين الأهالي تعلم بناتها إزاي تتصرف ويكون ليها رد فعل لو اتعرضت لأي حاجة في الشارع

عايزين الأهالي تفهم ان البنت ضحية مش عشان اتعاكست يبقي لازم تكون هي السبب

عايزين قانون واضح ضده عشان من حقنا كلنا نعيش بحرية

ويمكن نتستغني عن ده كله لولقينا من تاني نخوة ولاد البلد

موضوع جميل ياندى

بصراحه انا اول مرة اسمع عن الحمله دى

بس ياترى هتقدر على تنفيذ الكلام ده يعنى اظن ان المعاكسات كتير واكتر من انهم يقدروا يسيطروا عليها

طب فرضا انهم قدروا على المعاكسات اللى بره
هيقدروا على المعاكسات اللى جوة الجامعه كمان

انا مش بقول ان المعاكسه كويسه لا طبعا بس اظنها بقت حاجه عادية اليومين دولا

ومعلشى فى الكلام يعنى انا لما الاقى واحده ماشية ولبسالى بنطلون متعرفش لابساه ازاى دى ولا البدى اللى هيفرقع من على جسمها وتيجى تقولوا مش هعاكسها طب احسبوها بالعقل انتوا بقى لانها اساسا ماشية تلفت نظر اللى حواليها

بس دا ميمنعش ان فى بنات كتييير محترمه
زى بنوتاتنا الحلوين اللى عندنا فى المنتدى

موضوع هايل يا ندى

بس يارب يتنفذ صح

يعنى لو فى ولاد هيقولوا للولاد بطلوا تعاكسوا

يبقى فى بنات يقولوا للبنات يبطلوا اللبس ده

بصراحه زى ما ميدو قال اللبس بقى حاجه صعبه جدا

فى الزمن ده

وعلى فكره اللى بيلبسوا كده بيبقوا عايزين يتعاكسوا

الموضوع طويل عايزين باقى الاعضاء للمناقشه

موضوع غايه فى الاهميه

تسلمى

موضوع جميل اوى ياندى
بس انا بقيد راى ميدو فعلا البنات لبسها
فظيع بس مش كل البنات وفعلا الى بيلبس كدة بيقة ملفت للنظر وغضبا عن الشباب هتعاكس
بس احب اقول حاجة للشباب دى حاجة فيكم حتى لو لبسة اسدال بتتعاكس
صدقونى انا مجربة يعنى بردة هتعكسو هتعكسو وفعلا هو موضوع مهم
ويا ريت الاعضاء يقولو رايهم
تسلم ايدك يا جميل

معاكى يا رقيه ان مش كل البنات كده

بس لو فى واحد واخته ماشيين وهى لابسه لبس وحش

وهى اتعاكست هيقدر يكلم طبعا لا لانى هى اللى غلطانه

لكن لو واحد ماشى مع اخته ولابسه اسدال زى ما انتى بتقولى
واتعاكست يقدر يكلم والناس كلها تكلم
يبقى الغلط كده فى الولد

اهم حاجه يصلحوا اللبس وبعد كده نشوف ايه اللى بيخلى الشباب يعمل كده

ولى عودة

انا كنت اقصد لبسة اسدال ومشيى لوحدها مش مع اخوها
وعلى فكرة حتى لو مشى مع اخوها والله العظيم بتتعاكس
وطبعا هو بيرد وبتحصل مشاكل طب ولية منبقاش محترمين من الاول والى محترمة
نسبها مشى فى حالها بجد انا اسفة على الكلام بس صدقنى دى حاجة معصبانى اوى
انك تكونى مشى فى حالك وملكيش دعوة بحد وتسمعى كلام ملوش لزمة

مرسى يا ندود بس انا مش عارفه فى ايه بالذات معاكى يمكن كل المواضيع الى بتكت بيها بكون عارفها بس بردوا لازم نقولك مرسى

» لو صحيت من النوم لقيت نفسك بنت!ولو صحيتى من النوم لقيتى نفسك ولد!هتعملو ايه؟؟
» هي دي الكرامه.... بسرعه لو سمحت
» ثلاث كلمات ...... (لو سمحت ... اسف .... شكراً)
» متى تبك على نفسك؟؟؟؟؟؟؟؟!!!!!!!!!!!!!!
» جاى على نفسك ليه