عند الزواج .... ماضي الفتاة هل يهمك ؟!!!

عند الزواج
.... ماضي الفتاة هل يهمك ؟!!!

تقدمت لخطبة تلك الفتاة الحسناء الخلق و
الأخلاق ، سعدت أمام هذا الاختيار الموفق بإذن الله ، و رسمت أحلاما عريضة طويلة
لأيامك القادمة مع زوجة ألف ليلة و ليلة ، و في قمة توهج تلكم الأحلام الوردية
تفاجأ بأن خطيبتك كان لها علاقة بفلان ، كانت تحبه ، أو كانت ذات سمعة غير لائقة ،
و لكنها الآن قد تغيرت كما يبدو ذلك من تلك الأخلاق الرفيعة، و ذلك الأدب الجم..كما
يشهد عليها أهلها ... فماذا سيكون موقفك.

1) بادئ ذي بدئ : هل أنت ممن سيهتم
بالسؤال عن ماضيها ؟
2) كيف ستكون ردة فعلك إن كانت الإجابة بأنها كانت صاحبة
فلان في فترة من الفترات ، أو لها ماض غير مشرف..؟
3) و سؤال هامس في أذن الفتاة
: هل تخبرين زوجك بماضيك من باب الصراحة بين الزوجين حتى وان كان ماض أسود ؟

صراحه اعجبني هذا الموضوع واحببت ان نناقشه جميعا ..ونقلته لتعم
الفائدة
مجرد استفهامات؟؟؟؟؟؟؟؟؟؟؟؟؟

وانا طبعا هبتدى بالاجابه عشان نشوف بقيت الناس هتقول معانا ايه

وانا طبعا هيكون ردى ممكن يكون مخالف لبعض البنات اللى بتقول اردم على الماضى
المشكله طبعا ليها جوانب كثيره :
بدايه من حق الشاب طبعا انه يختار شريكة حياته ويبحث عن ماضيها
لانها هتكون زوجة المستقبل وام لاولاده وطبعا هى اللى هتكون شايله اسمه
واذا كانت هذه الفتاه فعلا كانت على علاقه بفلان قبل ذلك
ولكنها رجعت عما كانت فيه واصبحت فتاه جاده عمليه وتغيرت تماما فما هو الحل اذا؟؟؟؟
الحل طبعا هو السماح الا اذا كانت هناك اخطاء لا يسمح بها فده طبعا شئ تانى

ولكن انا اذا كنت فى هذا الموقف فعلا سااخبر زوجى بما كان فى الماضى
وله حرية الاختيار بين السماح او لا ويكون مشكور على اختياره ده

يلا بقى عاوزين نشوف بقيت الاراء

:?:

الماضي لألأ
ما ينفعش
لانها مااتعرفش الانسان الجديد ده كويس ممكن يكون غيور جدا وبكده تبقي بتعطيه مفتاح غيرته
ممكن يكون شخصيه هزيله من خلال الموضوع ده ممكن يهينها يعني المقصود ان مش كل الشباب بتفكر بنفس الطريقه
انا مثلا حتي لو لقيت الانسان اللي بيفكر بطريقه منطقيه برده مش هقوله
لان انا كوني معاه يعني انا خلاص نسيت الماضي لو اتكلمت في الماضي ده تاني يعني بصحيييه

انا بتفق مع ايمان فى رائيها
انا عن نفسى ميهمنيش ماضى الانسانه اللى هرتبط بيها
لان الكلام فى الماضى كلام فاضى

المهم الحاضر المستقبل اللى هيكون بينا هو ده المهم
لكن مضيها وزكريتها ده كله بيدى فرصه للغيره والشك يدخلو ما بينا وتسبب مشاكل
ميرسى ليكى يا عيون القمر على الموضوع الهائل ده

أولا أحب أحييك على الموضوع الجميل ده ،لأنه بجد موضوع جميل ومهم وياريت تكون معظم مواضيعنا من النوع ده ألا وهو النقاش بين الشباب ولاد وبنات

المهم بالنسبة للموضوع ده فأنا هكلمكم بصراحة

بأمانة أنا عاوز البنت اللى هتجوزها ميكونشى ليها ماضى قبل كده ،،وطبعا دا نادر اليومين دول ،،،مين فينا ملوش ماضى حتى احنا كشباب لينا ماضى
طيب لو ملقتش اللى ملهاش ماضى فمن الافضل طالما البنت بجد اتغيرت وبقت واحدة تانية يعنى محترمة والكلام ده فهنا فى نقطتين على حسب الشااب المتقدم لها

لو شايفة انه غيور جدا فياريت متقولوش (( وعفا الله عما سلف))

لو شايفة انه مش غيور جدا فممكن تصارحه وياريت هو يتقبل الموضوع ده بصدر رحم ويتقبل العذر
(( فكل ابن ءادم خطآ وخير الخطائين التوابون ))

أما بالنسبة ليا فخطيبتى أكيد هنكون صرحة مع بعض

وكفاية كده علشان مطولش عليكم

شكرا لكل اللى شارك معانا فى الموضوع
وانا بحترم ارائكم كلها
والخلاف فى الراى لا يفسد للود قضيه

فين التفاعل ياجماعه وفين بقيت الاراء
عاوزه تجاوب من كل الناس ماينفعش كده

يعنى هو اهم حاجه الصراحه بين الطرفين

ومظنش ان فى واحده اليومين دولا ملهاش ماضى

بس انا المهم عندى من ساعه ما بقيت معااااهااا والاهم ان الماضى دا يتنسى خاااااااالص

وياريت نلاقى اللى ملهاش ماضى دى

ثانكس نوسه موضوع جميل

» ®§§][][ (( هل يهمك نجاح المنتدى ))][][§§®,
» الفتاة كقطرة المطر
» كونى الفتاة الكل يتمناها
» كيف تكوني الفتاة المسلمة الملتزمة
» تمايل الفتاة اثناء المشي له سبب علمي , وهو ليس دلع