إزاى تبقى رخـــم !!!

ازاى تبقى رخم؟؟؟؟.....

يعنى اغلس عباد الله وبارد لدرجة التجمد؟؟؟ بص ياسيدى.....

قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها .

· هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول .
· و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " .

· لما حد يشكى لك من حاجه قوله أنا عندى مشاكل أكتر منك .

· فى مطعم .. بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟ .

· كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا .

· و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت .

· بعد عشر دقايق ، اعمل نفس الحركه تانى .

· و انت بتتكلم مع شخص ما ، ماتبصش فى وشه أبدا .

· و انت بتتكلم مع شخص ما ، افضل مركز فى وشه اوى .

· علق فانوس كبير فى الشارع و حبال زينه ، بشرط ميكونش فى رمضان !!! .

· أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! .

· فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا .

· اعزم ناس فى حفلات ناس تانيه "عيد ميلاد او خطوبه او فرح ..." .

· سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! .

· أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! .

· فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! .

· لو واقف جنب حد بيعد فلوس و فى وسط ما هوا بيعد قول اى رقم عشوائى "862" .

· العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! .

· و أنت ماشى فى حته اى حاجه تقابلك طبل عليها .

· غير القناه قبل نهايه الفيلم او الماتش او المسلسل بخمس دقايق .·

أضحك لواحده ماتعرفهاش فى الشارع وقولها بصوت عالى " ازيك .. عامله ايه؟

:P :P

ههههههههههههههههههههههه
الله عليك ياميدو
توبيك جميل

:P :P :P

:P :P

:P

ههههههههههههههههههههههههههههههههههههههههههههههه

يخرم جيبك يا ميدو على خفة دمك

رخامه رخمه يعنى مش ممكنه تجننه ههههههههههههههههه بس حلوه منك ميدووووووووووووووووو

بص ياميدوووووووووووو

واحكم

واحد كان راكب
امم ام

اه
عربيه

لالا

موتسيكل اه

وهو كان ماشى فى الشارع

امم

خش فى

طر

» إزاى تعرف انك فى فرح مصرى
» إزاى تطفشى عريس مش عايزاه؟
» إزاى تكون الأول على دفعتك
» ازاى تبقى مستفز او رخم او غتت
» لو تزوجت هل سوف تبقى في المنتدى ؟