ادخلو يابنات شوفو ا سرار للشباب

الشــاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم
1-تكون حسنة الطلعة زي ما بيقولو و روحها حلوة و جذابة .

2- الشــاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

3- ممكن الشــاب يعجب بيكي للحظة و ينساكي بعديها ولا كأنه شافك قبل كده .

4- لما الشــاب يقولك انا مش قادر افهمك هوا يقصد ببساطة انو أنتي مبتفكريش بطريقته أو زيو .

5- "بتعملي إيه ؟" أو "كلتي ولا لسة ؟" دي أول أسئلة يسألها الشــاب لما يكلمك على التليفون بدل ما يقعد ساكت أو يقعد يتأتأ .

6- صحيح ممكن الشــاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها .

7- لما الشــاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .

8- ابتسامة فرح جميلة منك بالدنيا واللي فيها عند الشــاب .

9- الشــاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

10- الشــاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

11- لما الشــاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاوة النصر .

12- الشــاب بيبقى نفسه يقول ويقول عن نفسه .......... بس مبيعرفش يقول غير عن مغامراته اللي تتصدق بالعافية أو عن شجاعته في خناقة في فلم أكشن

13- على فكرة الشــاب بيعيط (مهما بان جامد و قوي مهوا بني آدم برضو) .

14- لما تبقي في بداية علاقة متستعجليش على انك تضايقي الشــاب عشان تتخانقوا ..........صدقيني هتتخانقوا هتتخانقوا .

15- الشــاب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .

16- الشــاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

17- لما توصلي لقلب شــاب أنتي كده دخلتي سكة مفيهاش رجعة (دخول الحمام مش زي خروجه) .

18- اوعي تدي شــاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك .

19- الشــاب بيتجنن لما بيلمس ايدك .

20- الشــاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه .

21- لما الشــاب يقولك " اااممممم " أو يديكي أي عذر لما تطلبي منه حاجة اعرفي انك مش عاجباه ومش مستعد يديكي (الكريديت كارد) أو حتى يدفع فيكي قرش واحد .

22-قولي للشــاب أنتي عايزة إيه منه بالزبط من الاول قبل ما تقع الفاس في الراس و بعدين يقول باريت اللي جرى ما كان .

23- لما تقولي لشــاب " لأاااه " بيسمعها هوا حاول تاني بكرا (معلش أطرش هههههههههههههه) .

24- الشــاب بيكره الشــاب الفافي .

25- الشــاب بيموت في أمه (يعني كلوا الا هيا) .

26- الشــاب ممكن يضحي بالفلوس اللي هيتغدا بيها عشان يشتريلك بوكيه ورد احمر (يعني يجوع عشان سواد عيون حضرتك) .

27- متستبعديش ان الشــاب ممكن يفكر في بنت معجبة بيه بس ده مش معناه ان حضرته مغرم بيها .

28- مستحيل تفهمي الشــاب إلا لو سمعتيه كويس (فبلاش بقاه تنزلي لوك لوك لوك لوك و اديه فرصة ينطق) .

29- الشــاب لو قالك بحبك مرة واجدة في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .

30- حاسبي ........ الشــاب احسن واحد ينشر الإشاعات يعني في خلال ساعة واحدة شباب مصر كلها هيعرفوا اللي عايز يقوله من غير ما يعرفوا صدق والا كذب .

31- زي ما حصل مع امنا حوا و ابونا آدم * أنتي نقطة ضعف الشــاب (استغلي المعلومة دي كويس هههههههههه ).

32- صح انك تجربي الشــاب الأول قبل ما تصدقي كلامه * بس متسيبيهوش مستني كتير برة دائرة ثقتك .

33- الشــاب غالبا بيبقى صريح قوي لما يجي يتكلم عن نفسه .

34- مفيش شــاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله (يا كثووفي يا كثوفي).

35- الشــاب الشيك النضيف يموت لو هدمه اتوسخت حتى لو كانت الحتة اللي اتوسخت اد السمسماية ولو حلفتيلو 100 يمين انها مش باينة مش هيصدق (خوديها من قاصرها وقوليله يروح يغير) .

36- الشــاب بيحب البنت المحترمة حتى لو مكانتش أمورة للدرجة .

37- انتيمتك (صديقتك العزيزة يعني) اللي الشب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من مولد بلا حمص ايد ورا و ايد قدام ) .

38- الشــاب لو شكالك همه و حكالك عن مشاكله * هوا مش عايز منك غير انك تسمعيه * واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .

39- حركة لا إرادية الشــاب بيعملها فيكي لما تكوني أنتي حبيبته * يفضل يضايقك و ينرفزك و يغيزك و يعلق على كل كلمة تطلع من بقكك .

40- الشــاب لو حبك و كنتي مرتبطه هيلاقي 1000 مليون طريقة يبعدكوا فيها عن بعض و يخليكي تحبيه ( فخلي بالك ) .

41- الشــاب بيحب البنت اللي عندها حاجة اسمها عقل مش البنت اللي بتلبس ( مينيي سكرت ) .

42- الشــاب بيحاول يجيب الهدية اللي ممكن تعجبك * صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه .

43- عملياً الشــاب بيتفاخر عن كل حاجة تخصه ( ده أساسي يعني هههههههههههه ) .

44- الشــاب غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .

45- الشــاب دماغه مبتهداش على طول بتودي و تجيب مبيبطلش تفكير ابدا .

46- الشــاب خيالو واسع قوي (يرمح فيه الخيل يعني . . . ههههههههه) .

47- الشــاب طولك عندو مش مهم بس صدقيني مفيش عندو أهم من وزنك حااااسبي .

48- الشــاب دايما لما يدخل علاقة جدية بيكون متملك لأبعد الحدود ( يعني هيقرفك قوي بس لو بتحبيه استحملي دي طبيعة آدم لما يحب) .

49- لما سيادتك تجنني شــاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .

50- غالباً بيكون صعب على الشــاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه ) .

51- لازم لازم لازم الصراحة يعني تقولي للشــاب أنتي بجد مستنية إيه من علاقتكوا ببعض قبل ما تدخولوا في الجد و تقع الفاس في الراس هههههه .

52- تجذير هاااام الشــاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمرو مهيكبر و يعقل ويبطل لعب العيال وانا عملت اللي عليا و قولتلك عشان متقوليش عـــــــيـــــــون مقالتش .

53- لو حصلت ظروف مش قد كدة غالباً الشــاب بيلوم نفسوا أكتر بكتييير منك يا بنوته ده كمان ممكن توصل انو يعمل حاجة في نفسو اوعي تسيبيه في ظروف زي دي اتفقنا ؟ عشان ده أكير وقت بيحتاجك فيه .

54- الشــاب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .

55- الشــاب يكون مع الناس كلها واد إيه أسد مرعب محدش يقدر يفتح بقوو معاه * بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

56- لو الشــاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة * شوفي اذا كان عرقان هتعرفي أد إيه هوا متنرفز .

57- لما الشــاب يقولك انو مجنوون بيكي * يبقى فعلا حبك عملو جنان و غالباً مش بيكدب .

58- لما الشــاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .

59-الشــاب في الحقيقة غالباً ملوش قرار نهائي ( وخدي بالك من النقطة دي) .

60- لما الشــاب يحبك * بيطلع كل الحلو اللي فيه (إكسكلوسف ليكي أنتي و بس) شفتي بقا حبك بيعمل فيه حاجات حلوة إزاي .

61- لما الشــاب يسيب التهريج و يبقى عايز يتكلم بجد * إسمعيه و وريه اد إيه أنتي مهتمة .

62- لو الشـاب فضل ساكت و قافل بقوو متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .

63- الشــاب ما بيآمنش بالحب من أول نظرة على عكس معظم البنات * وبرغم كده بيعاكس برضه لحد ميقع من غير ما حد يسم عليه و ساعتها بس هيآمن و يبصم بالعشرة ان في حب كدة .

64- الشــاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .

65- الشــاب ميحبش البنت المسترجلة اللي البوكس منها يودي الواحد روسيا بس من غير طيارة هههههههههه .

67- الشــاب ممكن يضيع وقته في متش كورة أو في لعبة بليستاشن أو كومبيوتر (في الوقت اللي أنتي مشغولة بافكارك الرومانسية اللي بتشوفيها في الافلام الابيض و اسود) اوعي تتضايقي بالعكس خدي الموضوع ببساطة و لو مفيهاش رخامة حاولي تشجعي معاه أو حتى تلعبي معاه

مرسي يا نوسه يا قمر علي المعلومات الجااااااامده دي

اى خدمه ياقمر
وشكرا لمرورك

» */*/*/* كل شي تحتاجونه يابنات من مواقع لمصممين وماركات عالميه */*/*/*/
» ايه رايكوا ؟؟؟ (يلا ادخلو بسرعه) !!!!
» خواتم خطوبة ادخلو واختاروا
» لعبة الخطف ادخلو العبة جامدة
» اكيد كلنا عارفين حدوتة سيندريلا .... تعالو شوفو الحدوتة دى ب