~*¤ô§ô¤*~ منتديات اصحابنا~*¤ô§ô¤*~
اهلا وسهلا بكل اصحابنا ... لو كنت صاحب معانا شرفنا بالدخول وشارك معانا ... لو كنت زائر جديد يشرفنا تسجيلك لدينا
~*¤ô§ô¤*~ منتديات اصحابنا~*¤ô§ô¤*~
اهلا وسهلا بكل اصحابنا ... لو كنت صاحب معانا شرفنا بالدخول وشارك معانا ... لو كنت زائر جديد يشرفنا تسجيلك لدينا
~*¤ô§ô¤*~ منتديات اصحابنا~*¤ô§ô¤*~
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

~*¤ô§ô¤*~ منتديات اصحابنا~*¤ô§ô¤*~

اصحاب على كيف كيفك
 
الرئيسيةالبوابةأحدث الصورالتسجيلدخول

 

 هل العيد فرحة.. فعلاً؟!

اذهب الى الأسفل 
2 مشترك
كاتب الموضوعرسالة
sweet girl
مشرفة شباب vs بنات و الازياء والموضة
مشرفة شباب vs بنات و الازياء والموضة
sweet girl


انثى
عدد المشاركات : 422
العمر : 33
مكانك فين : as7abna.forumegypt.net
مزاجك : تـــــــــمــــــــــــامــ
تاريخ التسجيل : 07/06/2008
السٌّمعَة : 0

البطاقة الشخصية
مستوى العضـــو: مشاركة دائمة وفعاله

هل العيد فرحة.. فعلاً؟! Empty
مُساهمةموضوع: هل العيد فرحة.. فعلاً؟!   هل العيد فرحة.. فعلاً؟! Emptyالخميس 02 أكتوبر 2008, 1:40 pm


هل العيد فرحة.. فعلاً؟! Awel_01


ليلة عيد الفطر - 1958
والأطفال الصغار متجمعين حول والدتهم الجالس إلى جوارها الخالات والعمات ينظمون العملية الكبرى المعروفة باسم "كحك العيد" فواحدة منهن تقوم بأخذ العجين من الأطباق، وأخرى تقوم "بنقشه"، وثالثة تضعه في الفرن المخصص، ينطلق جرس الباب:
- ترررررررررن ترررررررررن!

يتقافز الأطفال في فرحة، ويصيحون في صوت واحد
- بابا جه بابا جه!

ثم، وهم يفتحون الباب في سرعة، يدخل الأب وهو يحمل عدداً ضخماً من الأكياس والكراتين وابتسامة عذبة موجودة فوق شفتيه قبل أن يقول لهم:
- بالراحة شوية عليا يابشر.. كل واحد هياخد نصيبه بس بهدوء

تستقبله الأم في حنان، ثم تناوله بضع قطع من الكحك الطازة الخارج لتوه من الفرن فيلتهمه في استمتاع واضح قبل أن يقف من جلسته وقد استمد قوة سحرية ليبدأ في التوزيع:
- واحد واحد.. أحمد أدي ياعم القميص الكاروهات.. منى خدي ياستي الفستان الأحمر اللي كنت هتموتي عليه.. ليلى.. حلوة البلوزة دي صح.. وآدي كمان حتة قماش لمامتكم تفصلها بقى على رواقة.. مش لازم تلبسي جديد على العيد يعني يا أم أحمد!

يسعد الأطفال كثيراً بملابسهم الجديدة ويتجهون إلى غرفتهم لارتدائها في سرعة استعداداً لأداء صلاة الفجر، ثم صلاة العيد في المسجد الكبير

والأب يبدل ثيابه تقول له الأم: كتير قوي يا أبو أحمد كل الحاجات دي..

الأب: خير ربنا كتير... صحيح الهدوم غالية السنة دي ده حتى فستان منى باتنين جنيه بحالهم.. بس عيد بقى وكل الولاد لازم تفرح.. كل سنة وأنت طيبة.

***

ليلة عيد الفطر- 2008
الأم تحاسب مندوب الديلفيري الذي جلب لها الكحك والبسكويت لحد باب البيت، وهي تقول له:
- ها.. بالسمن البلدي ولا تقليد زي كل سنة!
- بلدي طبعاً يافندم ده إحنا مربيين جاموس عندنا في الشركة!
- ماشي.. يالا كل سنة وأنت طيب

تدخل إلى الشقة، وهي تحمل علب الكحك لتنادي على أولادها:
- يا أحمد، يا منى، يا ليلى.. مش عاوزين تدوقوا كحك العيد؟

يخرج لها أحمد وهو يرتدي ملابسه قائلاً:
- كحك إيه بقى ياحاجة ده بقى موضة قديمة باي بقى عشان هاسهر الليلة مع أصحابي في خيمة رمضانية.. ده "حماقي" هيغني النهارده!

تضع الأم علب الكحك في حسرة على المائدة. ثم تخرج ابنتها ليلى. وتجلس أمامها لتشاهد التليفزيون باعتيادية، وكأنها لم تلمح علب الكحك بالأساس. في حين تهتم "منى" بالشات الذي تقوم به على الإنترنت. وتبدو في عالم آخر.

يرن جرس الباب
- ترررررررررررن تررررررررررن!

فلايهتم أحد بفتح الباب.. ثم
- ترررررررررررن تررررررررررن!

تهتف الأم وهي متوجهة إلى الباب:
- يعني كمان مش عاوزين تفتحوا الباب -تجد الأب- وأنت كمان مش معاك مفتاح مش بتفتح علطول ليه
- نسيته ياستي الصبح.. هي دي عيشة أصلاً الواحد يفتكر فيها حاجة!

- ماجبتش هدوم جديدة للولاد طيب؟
- جديدة؟ منين حضرتك.. وبعدين ماهو حتى الهدوم اللي جبتها لهم العيد اللي فات ماحدش فيهم لبسها على اعتبار أنها مش على الموضة

ترفع الابنة صوت التليفزيون فتنساب في أركان الشقة الأغنية الشهيرة:
- العيد فرحة.. وأجمل فرحة!

***

فعلاً؟!
أي نعم إحنا بنسأل
هل العيد فرحة.. وأجمل فرحة
فعلاً؟


هل لسه له الطعم بتاع زمان؟
لسه بتفرح لما باباك بيجيب لك هدوم جديدة ليلة العيد؟

هو بيجيب هدوم أصلاً؟
ولا أنت أساساً بتكون منتظرها؟

لسه بتحضر حفلات تظبيط الكحك الشهيرة والهيصة واللمة والدفء؟
ولا خلاص ربنا يخلي لنا كحك الديلفيري؟

لسه بتروح مع العيلة الصغيرة للبيت الكبير؟
وبتتقابل ويا أقربائك اللي بقالك كتير ماشتفهمش؟

هل العيد فرحة.. فعلاً؟! Awel_02
يعني
من جديد بنسأل
هو العيد
فرحة
وأجمل فرحة
فعلاً؟!

الرجوع الى أعلى الصفحة اذهب الى الأسفل
MedoOo
مـديـر المنتدى وكبير الشلــه
مـديـر المنتدى وكبير الشلــه
MedoOo


ذكر
عدد المشاركات : 3838
العمر : 36
مكانك فين : دايخ فى زمن بايخ
الوظيفـه : مهندس
مزاجك : ماشى الحال
مزاجــــى : هل العيد فرحة.. فعلاً؟! 110su4
بلـــدى : هل العيد فرحة.. فعلاً؟! Ed56ieuiota5
تاريخ التسجيل : 09/10/2007
السٌّمعَة : 1

البطاقة الشخصية
مستوى العضـــو: البيه المديـــــــــــر

هل العيد فرحة.. فعلاً؟! Empty
مُساهمةموضوع: رد: هل العيد فرحة.. فعلاً؟!   هل العيد فرحة.. فعلاً؟! Emptyالجمعة 03 أكتوبر 2008, 3:10 pm

ندى
توبيك جديد ومميز لكن اكيد الزمن لما يتغير تتغير معاه كل حاجه

أي نعم إحنا بنسأل
هل العيد فرحة.. وأجمل فرحة
فعلاً؟
يعنى بس مش زى الاول

هل لسه له الطعم بتاع زمان؟
لسه بتفرح لما باباك بيجيب لك هدوم جديدة ليلة العيد؟
لا اكيد زمان كان احسن من دلوقتى بكتير

هو بيجيب هدوم أصلاً؟
ولا أنت أساساً بتكون منتظرها؟
يعنى بصراحه هو انا اللى هنزل اجيب لوحدى

لسه بتحضر حفلات تظبيط الكحك الشهيرة والهيصة واللمة والدفء؟
ولا خلاص ربنا يخلي لنا كحك الديلفيري؟
لا ربنا يخليلنا الدليفرى

لسه بتروح مع العيلة الصغيرة للبيت الكبير؟
وبتتقابل ويا أقربائك اللي بقالك كتير ماشتفهمش؟
لا فى دى حاجه اساسيه فى العيد لازم اروح لقرايبى كلهم او حتى القريبين منهم اوى

ثانكس ندى على مواضيعك المميزة والمتجدده دايما
الرجوع الى أعلى الصفحة اذهب الى الأسفل
 
هل العيد فرحة.. فعلاً؟!
الرجوع الى أعلى الصفحة 
صفحة 1 من اصل 1
 مواضيع مماثلة
-
» **7*7*7*7*كاريكاتير العيد*7**7*7*7**77*
» عروض العيد من فودافون وموبينيل
» موضة لبس العيد, كل سنه وانتم طيبين
» هنااا توضع تهااانى العيد ..
» اهم اخبار العيد .....خروف مهووووس نط من الدور السابع يا نهااااار

صلاحيات هذا المنتدى:لاتستطيع الرد على المواضيع في هذا المنتدى
~*¤ô§ô¤*~ منتديات اصحابنا~*¤ô§ô¤*~ :: ––––•(-• المنتديــــــات العــــــامه •-)•–––– :: أصحآبنآ والنقآش الجآآد-
انتقل الى: