الواد الدنجوان والبنت الضحيه

يا حلاوة الدنيا يا حلاوة يا حلولي يا حلاوة

بنوته حلوة جيبه حلوة ويومين نعنشه يا حلاوة يا حلاوة

النهاردة وعلى رأي المثل طقت فى دماغي حاجه غيظاني و مش

جديدة بس حاجه تفلق

نبطل رغى وندخلو فى الجد

بيقولك الحليوة شايف نفسه حليوة ليه؟؟؟؟؟؟؟

اصل بيبص ف المرايه كتير هع هع

لا لا طبعا

لانه ملقش حد يقوله يا وحش

ايوة بالظبط

نيجي بقي نعرف الواد الدنجوااان أيوووه الدنجوان ابو رمش كحيل وشامه في خده

هو مييين

سوال صريح وواضح ووجيهة في نفس الوقت

هو الواد الكازنوفا ابو نظاره سوده اخرتها ماركه والقميص المفتوح

ابو خفه دم حسن يوسف وصياعه المرحوووم احمد زكي وعسل كلام احمد حلمي .

اللي مقطع السمكه وديلها ,البصباص الفتك الجدع

الواد اللي يعقد يلت ويعجن ويفتح حوارات وياعيني مش ملاحق يحب في البت ياسو ولا يجوز البت ديمو ولا يحور عالبت بوتو

الواد اللي يمشي في دماغو ايان كانت الفكره الجهمنيه اللي في دماغو سواء كانت معفرته او مخلبصه او مصوصوه

اهو ينفذها وخلاص.

مبداو في الحياه :

-لو شوفت واحده تتحب لازمااااااا احبها ومسبهاش اهو اسلي نفسي شويه بدل منا قاعد زي

البهلول كده لا شغله ولا مشغله يلا واحنا ورانا ايه يعني (نهدي غنوه ادينا بندردش ورانا ايه ورانا ايه(

-كل البنات بتحبك كل البنات حلوين طبعا ياسيدي يابختك وانت اللي زيك ميين وعيش بقي

-عارف يخش للبت منين ما الانثي اساسا بتحب الكلام الحلو والمعسول وبتدوب بيه ده طبيعي من عند ربنا اللهم لا اعتراض.

-طبعا الدنجوان ميقدرتشي يجوز رغم علاقتو المتعدده المهووله بالبنات مش عيب فيه لأ, لانه الجواز ده بالنسبالو اكبر هم في حياتو

نشاطه بقي ايه

الولد من دول يبقا متخفى ورا لبسه واسمه ومنظرة العام

عامل شخصيه وبتاع

وقدم الكل ملاك يا خراشى

وله هيبه كمان فى اى مكان بيثبت وجودة اوك ميت فل

وتجى بقا تحط عدسه مكبرة وتتفرج ع الحليوة

يطلع دنجوان

حب مليون بنتوته فى كم سنه يدوبهم فيه ويركن اما يشوف بنت تانيه فيها شئ يجذب

يبتدى ينصب فى شركه

ويعمل فيها حد متزن وكبير وعاقل والله اكبر يعني قدم الكل

فل

من جوة قلبه اسووود اوى

والبت زى العبيطه

كلمه حلوة مرة ف مرة

تلقيها هوب نزلت تقوله بحبك

وتبتدى الليله

وبعد كم يوم كدا من الملل يبتدى يتغير وهى ياعينى تحرق فى دمها وف نفسها وهو عايش احلاها قصه مع غيرها

ويجى ينهى لو هى بنت ناس ينهى بطريقه شيك يابنت الحلال مش عايز اظلمك

العمر والزمن ومفيش امل

اهئ اهئ ولادموع تاثر وشويه صمت

وانسا يابو مسعووود

يجى بقا لو بت عاديه فى ثانيه يزحلقها

مع السلامه ياحجه عتريسه شوفى نفسك ويا غيرى

هربت البت

وهو هرب لحد تانى وهكذا

المصيبـــــــــــــــــه

ان الكلام دا في الواقع وفى الخيال

ايووووووووة خيال النت اللى الكدب فيه بيتصدق ويتعااااااااااش والواقع

كمااااااان وكلنا عارفين والحدء يفهمها وهيا ليسه مطارتش

يعني روح انت بس ايتها نادي وانت

تشوف بعنيك اللي محدتش بيشوفو كان ودنا نعمل مقابلات بس الوقت

لم يسعنا يعني فاكتفينا بوضع الموضوع

************************************************** ***********

هتقول الحمد لله مش انا والكل هيدخل يقول كدا

لما انت وهى وهو مش انتم ولا عملتو كدا

الفت انا الكلام ولا بفترى

اكيد فى حد فينا مر بكدا وياكان ظالم او مظلوم

اكيد حد جرح حد وعاش الدورهو الحب دا ايه بقا حاجه نضيع وقتنا

والله حرام بجد

البنت اللى بتتسلو بيها دى اختكم مراتكم امكم عمتكم حد لازم تحافظو عليه

وياريت برضو البنات فوقوووو ياريت كل واحده منكم تكبرها وتعقلها قبل ماتوقع الفاس في الجمجمه

مفيش حاجه اسمها هعيش شويه وهنسا

اخيرا بقي

الدراسات اثبتت الواد الدنجوان اللي بيعمل كده يااما الخلايا اللي في دماغو ضربت يااما هيا حاله نفسيه

يااما مش عارف يجوز ياما شايف بعنيه الدنيا حلوه عالطول

والراجل من دول لو اجوز يبقي عمل خير بس يبوء بالفشل الذريع

لانو اجوز البت اللي مرضتش تبقي زي باقي المعذبات الضحايا

عشان ده ميقدرتش ان بت ترفضه اساسا دي اهانه له ياجدعان

ده هو عنده استعداد انو يضحي بحريته بس مترفضووش البت

عشان ياقلب امه ميستحملش الاحباط

********************************************

ياناس كفايه قر,الحلوه دي مش ورث دي جت بخلع الضرس والعين صابتني ورب العرش نجاني,وعضه دجوان ولا

نظره حسوود

وسي لافى يااخواتي هيا االدنيا كده قسمه ونصيب,متتعجبيش ولا تيأسي من رحمه الله ,فرجه قريب بس انتي
قولي يارب واللي جوزه عيشة وكاميلا وزبيدة قادر كريم يجوزك الواد الدنجوان والبنت الضحيه Kopfpatsch

****************^^^^^^^^^^^ *************
وحق الدنجوان مكفول عنده للي شايف نفسه دنجوان

وكفانا الله شر الدنجوانيون والبنات الساذجة
ملحوظة مهمة جدا أحب أوضحها الموضوع دة من وحي الخيال الساذج لكل شاب وفتاة يريد ان يعيش يومة كما يكون
د

موضوع جامد ياسما
بس للاسف دى حقيقة موجوده اليومين دولا
البعض بيستغل السذاجة والطيبه للشخص الاخر وبالتالى بيكون فى ضحية فى النهايه
بس بصراحه انتوا عارفين ان الدنجوان دا بقى لما يفكر يجوز ربنا بيوقعه فى وحده تطلع عينه
وهو الحب اليومين دولا بقى اسهل طريقه يدخل بيها الشباب على البنات بس فى حاجه كمان انتى مقولتيهاش زى مافى شباب كتير بتتسلى بالبنات فى بنات كمان مقضياها وبتتسلى وممكن كمان تكون عارفه ان الشاب دا بيتسلى بيها وتقول انا كمان بتسلى
يعنى كل وارد بس اصعبهم لما البنت تحب ولد ويطلع بيتسلى بيها والعكس كمان

ربنا يحمينا كلنا من غدر وفراق الحبيب
وبجد موضوع هايل ياسما
تسلم ايدك

بجد برافو عليكى توبك عرضه كتير واقعى بهنيكى عليه وتقبلى مرورى

» يوميات الواد والبت فى الجامعة
» 4 طرق غبيه جدا لو عملها الواد هيطفش البنت منه