عوزا تتجوزي ؟ طب اشربي بقا

ازيكم يا بناات ويا شباب

ايه مالك ؟ اتخضيتي من العنوان .... هتموتي وتتجوزي صح ؟؟؟

متخفيش هتتجوزي يختي ده شر لابد منه .....لكن انتي في نعمة ومش حاسة بيها عارفة ليه ؟؟ هقولك ..

انتي دلوقتي عايشة حياتك اخر روقان ودلع وعدم ارتباطك له فوايد كتيييييييير مش
هتحسي بقيمتهم غير وانتي جوا القفص ....

1)

مش هتكوني مضطرةانك تستحملي شخصية واحد مختلف تماما عن شخصيتك ... ده غير بقي انه طول الوقت
هيفضل يشخط وينطر قال يعني عامل فيها عنتر وينفعل عليكي بدون داعي ...

2)
حياتك دلوقتي عاملة ازاي ..؟؟ بتقومي وقت ما انتي عاوزة وتنامي وقت ماانتي عاوزة , تقعدي علي الكمبيوتر ..
تتفرجي علي التلفزيون ... تخرجي مع صحباتك .. يعني عايشة حياتك بالطول والعرض اخر روقان
لكن بعد الجواز انسي كل ده هتلاقيه واقفلك زي الحيطة ويقولك انتي رايحة فين ؟؟ كنتي فين يا هانم ..؟ بتكلمي مين ؟؟
هيكون مين يعني ... ده غير انه ممكن يحلف عليكي لو طلعتله الزربونة بالطلاق انك متروحيش لمامتك وهو داير متسرمح
في كل حتة شوية ... اووووووووووووف حاجة تخنق

3)
شنطتك فيها فلوس صح ؟؟دي فلوسك انتي لوحدك ...تجيبي بيها اللي نفسك فيه كله صباع روج او ازازة برفان
يعني هتجيبي اللي انتي عاوزاه من غير ما حد يدخل في مشترياتك .. لكن بعد الجواز لو جيبتي حاجة من نفسك
هيفضل يقولك وده لازمته ايه ؟ ايه الحاجات التافهة اللي انتي جبتيها دي ؟ مش البيت اولي ؟؟كفاية بعزقة ولمي ايدك ..
اما هو بقي يروح يصرف علي مزاجه وعلي سجايره ولو قلتيله حرام عليك هيقولك هو انا اللي بشتغل ولا انتي ...

4)
متعودة انك تقضي يوم معين في الاسبوع في اي مكان بتحبيه ؟ او متعودة انك تزوري صحبتك الانتيم ؟؟
او متعودة انك تروحي رحلات مع صحباتك ؟؟؟بتعملي كدة دلوقتي صح ؟؟
هيصي يا بنتي وافرحي ده انتي في نعمة ... شوفي بقي لو اتجوزتي كل ده هيكون احلام وزكريات جميلة وهيكون
ممنوع والغاء من حياتك تماما

5)

عندك هواية معينة بتعمليها صح ؟ زي اشتراكك في المنتديات او كتابة الشعر او القرايا
كل ده قوليله باي باي بعد الجواز هيموت يا روحي بعد جوازك انسيه تماما هواياتك الجديدة هتكون ليها شكل تاني خالص
هتكون في هواية الغسيل ونشره طبعا ...وهواية رضاعة الواد اللي عمال يوأوأ ... والبيه جوزك منفضلو وعامل نفسه مش سامع ... ده غير هواية خياطة قميصه وتركيب زرايرو الواقعة علي طول وياريته بيطمر ( رجالة عاوزة الحرق )

6)
بتتكلمى وتقولى رأيك فى كل شىء صح؟وفى اى مكان ومع اى حد ومن غير خوف وقلق صح؟
لا يا ماما لااااااااااا انسى كل دة نهائى بعد الجواز كل كلمة منك هتطلع بحساب وهيكون ليها حساب(
انت لية بتقولي كدة ؟) ما تعدلى لسانك ؟انتى ازاى تسمحى لنفسك تقولى الكلمة دى,,,, يعني مش هتخلصى من زنو وأرفو

7)
انتى بتشتغلى؟اشتغلى اى شغلانة تحبيها وفى اى مكان تختارية لكن بعد الجواز شغلك هو جوزك اللى هيقرفك فى حياتك
بطلباتة اللى مش بيخلصو

8)
بتحبى محمد حماقى؟بتحبى راغب علامة؟ومغرمة بعيون توم كروز؟ حبى واعجبى بأى راجل انتى عايزاة وبحلقى فى دة ودة ...مين أدك براحتك بقى.. لكن مثلا لو حبيتى تقولى رأيك في مطرب او ممثل امور وشيك هيقولك ايه المياصة دي
حماقي ايه وكروز ايه ؟؟بتحبيهم علي ايه دول ؟؟ بيقولك كدة علي اساس ان حضرته عمر الشريف وانتي مش واخدة بالك
وهو بقي يبحلق لنانسي وهيفا ويتنح ادام كليبتاهم وصورهم .. رجالة متملاش عنيها الا التراب ...

9)

واخيرا اهم حاجة عندك ايه وبتهتمي بيها ايه دلوقتي ؟؟؟
اكيد جمالك ورشاقتك صح ؟ وبتلبسي اللي انتي عاوزاه واصغر المقاسات
ده دلوقتي بس .. لكن بعد الجواز هتلبسي ا!! ا!! ا!! ا!! لارج
وفي الاخر هيعيب عليكي ويقولك روحي شوفي البنات اللي في بيطلعو في الكليبات عاملين ازاي ... وهو اساسا بيكون
كرشو ادامو شبرين زي مايكون بالع كورة ولا بطيخة

شوفتي بقا
يعني م الاخر هتجيبي لنفسك وجع الدماغ
انصحك متتسرعيش اوي
وانصحك كمان لو مخطوبة
او هتتخطبي
او بتفكري تتخطبي
تلحقي نفسك
هههههههههههههه
سوري يا بنات

ههههههههههههههههههههه
مية مية يا ميدو
وانا اول واحدة هنفذ النصيحة دى :x
وميرسي ليك على التوبيك

انا قلت كدة قالو خرجوها من اليلد

يا بني الرجاله دي جايه بس للمناحيه

اسألني انا

هههههههههه

سوري شباب

مناحيه مناحيه

بس بردوا مش تقدروا تعيشوا من غيرنــــــــــا

ايه ده ايه ده

الحقى يا ميشو دا احنا بنتهذق

ميييييييييييدو متلعبش فى عداد عمركم

ايه ايه
مين اللي ما يقدرش يعيش من غير التاني
؟؟؟؟
روح

الاتنين بيكملوا بعض ياست هانم انتى وهيا

وبعدين دانتوا تحتاسوا من غيرنااااا
:oops: :P

هههههههههههههههههههههههههه
توبيك جامد يا ميدو واوعدك اعمل بالنصيحة
بس كويس انك عارف ان الشباب مفترين وميملاش عنيهم الا التراب
وبعدين اية الى منقدرش نعيش من غيركم دة لا نقدر ولا هنحتاس ولا جاجة
انتم الى هتحتاسم من غيرنا

عوزا تتجوزي ؟ طب اشربي بقا Get-9-2008-w1c8e80k

عوزا تتجوزي ؟ طب اشربي بقا Get-9-2008-ntdeyqvz